ՀՀ կառավարությունն առաջարկում է 1 տոննա ցեմենտի ներմուծման համար 25 հազար դրամ տուրք սահմանել

ՀՀ կառավարությունն առաջարկում է 25 հազար դրամ տուրք սահմանել 1 տոննա ցեմենտի ներմուծման համար եւ 9 հազար դրամ` նույն քանակությամբ կլինկերի ներկրման համար: Այս մասին մայիսի 7-ին Հայաստանի ազգային ժողովի նիստին «Պետական տուրքի մասին» օրենքում փոփոխություններ կատարելու մասին» օրօրինագծի քննարկման ժամանակ ասաց ՀՀ էկոնոմիկայի նախարարի պաշտոնակատար Վահան Քերոբյանը:

Այնուամենայնիվ, կառավարությունը պատրաստ է փոխել պետական տուրքերի չափը, եթե պատգամավորները համապատասխան առաջարկներ ունենան: Քերոբյանի օրենսդրական նախաձեռնությունը վերաբերում է ցեմենտի եւ կլինկերի ներմուծման գործընթացի կարգավորմանը եւ, ըստ էության, այս գործունեության լիցենզավորմանը: Նաեւ համապատասխան պետական տուրքի սահմանում է նախատեսվում այս տեսակի շինարարական ապրանքների՝ երկիր ներմուծման համար: «Նախագիծն ուղղված է Հայաստանի տնտեսական ներուժի առավելագույն պահպանմանը եւ հանրապետությունում գործող երկու ցեմենտի գործարանների աշխատանքի ապահովմանը»,- ասաց փոխնախարարը:

Աղբյուր՝ NEWS.am