Իշխանության համար «գործ տվող» Վահան Նարիբեկյանը Արգավանդում մեծ շիբնարարություն է սկսել՝ բնակիչներին պրոբլեմների մեջ գցելով

Արմավիրի Արգավանդ համայնքում, որը կպած է Երևանին, տիրում է անտերություն։ Վահան Նարիբեկյանը՝ նախկին համայնքապետ Սամվել Նարիբեկյանի որդին, շինարարություն է անում ու դա անում է մեծ խախտումներով և՝ համայնքի բնակիչներին մեծ անհարմարություններ ու պռոբլեմներ պատճառելու գնով։ Շինաշխատանքների ժամանակ ծանր տեխնիկան ջարդել է ընդհանուր ջրի կանալը, ջուրը լցվում է բնակիչների տները։ Քաղաքացիները դժգոհում են, բունտ է հասունանում արդեն։

Հիշեցնենք, որ վերջերս մամուլը գրեց, որ Վահան Նարիբեկյանին Նիկոլ Փաշինյանը իր հետ Սյունիք էր տարել՝ հայտնի «ուղջույնների օրը»։ Սա էլ դավաճանի մուտքը իրենց համայնք արգելող սյունեցիներին նկարել էր ու նկարները փոխանցել ոստիկանությանը։ Սա եղել է Ալեն Սիմոնյանի առաջարկով։ Նարիբեկյանի «գործ տալու» արդյունքում բերման են ենթարկվել և խոշտանգվել քաղաքացիներից շատերը:

Մամուլը գրել էր, որ Վահան Նարիբեկյանը «Արգավանդ կահույք» խանութների տնօրենն է, նրա խանութից պարբերաբար գնումներ են անում ԱԺ պատգամավորները։ Անգամ ԱԺ-ն դեռ 2018 թվականին համաձայնագիր է կնքվել Նարիբեկյանի հետ՝ գնումների վերաբերյալ:

ԱԺ-ն մի լավություն էլ է արել, բացի Նարիբեկյանից կահույք գնելը․ Վահան Նարիբեկյանի երեք մեքենաների (G class, Nissan Patrol, Land Cruiser 200) համար տրամադրել է ԱԺ-ին պատկանող HH համարանիշեր։ Բնականաբար, նա էլ լավության տակից դուրս է գալիս «գործ տալով»։ Փոխադարձ շահավետ գործարք։ Ու հիմա էլ փաստորեն, նրան թույլատրվում է Արգավանդը խառնել իրար, բնակիչներին անհարմարություններ պատճառել, որովհետև իշխանության համար «սև գործեր» է անում։

Աղբյուր՝ ArmInsider