Politico. Պուտինը և Բայդենը կարո՞ղ են հանդիպել Բաքվում

Նախկին ամերիկացի պաշտոնյաները չեն բացառում, որ Ռուսաստանի և ԱՄՆ նախագահների՝ Պուտինի և Բայդենի հանդիպումը կարող է տեղի ունենալ Չեխիայի մայրաքաղաք Պրահայում: Նրանք նաև քննարկում են այնպիսի տարբերակներ, ինչպիսիք են Իսլանդիան, Սլովենիան կամ Ադրբեջանը: Այս մասին գրում է ամերիկյան Politico պարբերականը:

Ապրիլին Չեխիայի Հանրապետության առաջին փոխվարչապետ Յան Համաչեկը, ով այդ ժամանակ հանդես էր գալիս նաև որպես երկրի արտաքին գործերի նախարար, հայտնեց, որ հրահանգել է հանրապետության դեսպաններին Մոսկվայում և Վաշինգտոնում առաջարկել Պրահայում ռուս-ամերիկյան գագաթնաժողով անցկացնել: Այս հայտարարությունն արվել է Չեխիայի և Ռուսաստանի Դաշնության միջև դիվանագիտական ​​սկանդալի բռնկումից մի քանի օր առաջ:

Ըստ պարբերականի, ԱՄՆ նախկին պաշտոնյաներն ու վերլուծաբանները պնդում են, որ չի կարելի բացառել «անակնկալ լոկացիա» որպես երկու նախագահների «հանդիպման վայրի թեկնածու»: Տարբերակներից են Պրահան, Ռեյկյավիկը, Լյուբլյանան և, հնարավոր է, Բաքուն:

Zham.am