«5 հազար մահ ձեզ՝ իսկ մեզ՝ 5-10 նոր մանդատ: 5 հազար մահ ձեզ՝ իսկ Նիկոլին մի քանի մանդատ պակաս»
Եթե «ընդդիմությունը» և իշխանությունից դուրս «քաղաքական էլիտան», ունենալով հրաժարական տված քաղաքացի Փաշինյան չներկայացնի վարչապետի իր թեկնածուին և խաղաղ իշխանափուխություն չանի, ապա կարո՞ղ ենք հաստատապես ասել, որ քաղաքական աքսիոմ է այն, որ իրենց նպատակն իշխանություն ունենալը չէ: Այսինքն՝ այս մարդիկ գործում են ըստ հետեւալ բանաձևի. «5 հազար մահ ձեզ՝ իսկ մեզ՝ 5-10 նոր մանդատ: 5 հազար մահ ձեզ՝ իսկ Նիկոլին մի քանի մանդատ պակաս»:
Եթե դուք, կապիտուլյանտի հրաժարականը ունենալով, չկարողանաք նրանից իշխանություն վերցնել, ո՞վ կհավատա, որ ցանկանում եք/կարող եք նրանից իշխանություն վերցնել ընտրություններով:
Եվ ևս մեկ անգամ ուզում եմ հասկանալ, թե ինչին է պետք ընդդիմությունը, որը բացակայում է խորհրդարանում բոլոր կարևոր իրադարձությունների ժամանակ: Ո՞ւմ և ինչի՞ համար եք ներկայացված ԱԺ-ում և ինչո՞վ եք զբաղվում օրենսդիր մարմնում:
Բացի քաղաքականից, կան նաև բարոյական աքսիոմներ և սկզբունքներ: Կցանկանայի իմանալ՝ ի՞նչ սկզբունքներից ելնելով են իրեն Ազգային ժողովի ամբիոնից դիմում «պարոն վարչապետ»: Կարո՞ղ եք ասել, եթե Ալիևը ինչ-որ կերպ հայտնվի Հայաստանի խորհրդարանում, դուք նրան կդիմեք որպես «պարոն նախագահ»:
Բենիամին Մաթևոսյանի ֆեյսբուքյան էջից
Հետևեք մեզ Facebook-ում