Օրբելի 63/1 շենքի վերելակը ամիսներ շարունակ չի աշխատում, իսկ Հայկ Մարությանին միևնույն է. բաց նամակ Փաշինյանին

Օրբելի 63/1 բարձրահարկ շենքի բնակիչները բաց նամակով դիմել են վարչապետի պաշտոնակատար Նիկոլ Փաշինյանին՝ կապված շենքի վերելակի չաշխատելու հետ:

Նամակում ասվում է.

«Հարգելի պարոն Փաշինյան

Հուսալքվելով Հայկ Մարությանին դիմելու մեր ապարդյուն փորձերից, որպես վերջին միջոց, ստիպված ենք ապավինել Ձեր օգնությանը։

Ձեզ են դիմում Օրբելի 63/1 շենքի բնակիչները։ Մեր շենքը խորհրդային տարիներին կառուցվել է Գիտությունների ազգային ակադեմիայի ակադեմիկոսների և թղթակից անդամների ընտանիքների համար։

Այսօր էլ շենքում բազմաթիվ վաստակաշատ, թեև արդեն ծեր, մարդիկ են բնակվում, որոնցից շատերն արդեն մի քանի ամիս շարունակ զրկված են տնից դուրս գալու տարրական հնարավորությունից, քանի որ 9 հարկանի շենքի վերելակը չի աշխատում, իսկ քաղաքապետարանի կողմից գործուն քայլեր չեն ձեռնարկվում դրա վերագործարկման ուղղությամբ։

Խնդրում ենք ձեր անմիջական աջակցությունը՝ խնդրի լուծման հարցում։

Հարգանքով՝

Օրբելի 63/1 շենքի բնակիչներ