Foreign Policy. Բայդենը ճանաչեց Ցեղասպանությունը, բայց Թուրքիայի հայերի համար դա քիչ բան է փոխում, ավելին՝ Ստամբուլի հայերը վախեցած են

Բազմաթիվ պաշտոնյաներ արդեն արձագանքել են «Նախագահ Բայդենի կողմից Հայոց Ցեղասպանության ճանաչմանը»: Foreign Policy ամսագիրը գրում է այն մասին, թե ինչպես դա ազդեց Թուրքիայի հայերի վրա: Հեղինակը կարծում է, որ ճանաչումը կվնասի Թուրքիայի արդեն իսկ սրված հարաբերություններին իր հայ փոքրատիվ համայքի հետ: Ստամբուլում ապրող հայերն շատ զուսպ են արձագանքում այս ամենին, քանի որ վախենում են թուրքերի ագրեսիվ գործողություններից:

Թուրքիայի հայերի անորոշ կարգավիճակը բացատրում է, թե ինչու շատ քչերն էին ցանկանում խոսել Բայդենի հայտարարության մասին: Թուրքիայում հայ պատրիարք Սահակ Մաշալյանը պետական ​​լրատվամիջոցների եթերում ասում է, որ այդ քայլը քաղաքական է: Հազվագյուտ համերաշխություն ցուցաբերելով՝ նույնիսկ ընդդիմադիր կուսակցությունները դեմ արտահայտվեցին Բայդենի խոսքերին:

Թուրքիայում ապրող ազգությամբ հայ լրագրող Ռոբեր Քոփթաշը ասում է, որ 10-15 տարի առաջ հնարավոր էր խոսել այս թեմայի շուրջ: Նախկինում նա կարծում էր, որ այս հարցում արտաքին միջամտությունը վնասակար է Թուրքիայում երկխոսություն սկսելուն: Բայց հիմա նա կարծում է, որ նման քննարկումն այլևս հնարավոր չէ երկրում խոսքի ազատության դեմ ճնշման պատճառով:

«Իհարկե, Միացյալ Նահանգները դա անում են սեփական շահերից ելնելով, և թուրք-ամերիկյան հարաբերություններն այս պահին այնքան էլ լավը չեն: Թերեւս սա դիվանագիտական ​​քայլ է, որի նպատակն է ցույց տալ Թուրքիային, թե ինչպես Ամերիկան ​​կարող է պատժել իրեն, եթե խախտվում են պայմանավորվածությունները: Բայց Միացյալ Նահանգները կարևոր երկիր է, և նրա ղեկավարի բառերը կարևոր են», - ասաց Քոփթաշը:

Ոմանք վախենում էին հայկական համայնքի համար ամերիկյան այս որոշումից հետո, սակայն մինչ այժմ արձագանքը սահմանափակվեց ԱՄՆ-ում և Ստամբուլում ամերիկյան հյուպատոսության դիմաց փոքր բողոքներով: Բայց Թուրքիայում հայերը շատ քիչ են, իսկ Տավուկչուի (Ստամբուլի հայկական տաճարի պահապանը - խմբ. )  համար սա նշանակում է, որ միշտ պետք է շատ զգույշ լինել:

«Մենք վախենում ենք ցեղասպանության մասին Բայդենի այս հայտարարությունից, քանի որ հայերը շատ փոքր համայնք ունեն», - ասում է նա: «Այլ երկրներում սփյուռքն ավելի մեծ է, բայց այստեղ մենք շատ քիչ ենք»:

Zham.am