Թուրքիան Հայաստանն ընկալում է որպես Ադրբեջանի ու տարածաշրջանի համար վտանգ ներկայացնող պետություն. Թուրքիայի խորհրդարանի խոսնակ
Թուրքիայի խորհրդարանի խոսնակ Մուստաֆա Շենթոփը հայտարարել է, որ Հայաստանը սպառնալիք է ներկայացնում տարածաշրջանի համար, այս մասին հայտնում է «Անադոլու» գործակալությունը:
Նման հայտարարությամբ վերջինս հանդես է եկել Թուրքմենստանի նախաձեռնությամբ կազմակերպված «Խորհրդարանների դերը միջազգային խաղաղության և կայունության ամրապնդման հարցում» խորագրով տեսաժողովի ժամանակ:
Ըստ Շենթոփի, Թուրքիան Հայաստանն ընկալում է որպես պետություն, որը չմտածված է գործում և վտանգ է ներկայացնում Ադրբեջանի ու, ընդհանուր առմամբ, տարածաշրջանի համար:
«Թուրքիայի աջակցությունն Ադրբեջանին ոչ միայն երկու երկրի բարեկամության և եղբայրության ցուցանիշ է, այլև Բաքվի դիրքորոշման արդարացիության վկայությունը տարածաշրջանային խաղաղության սպառնալիքի ֆոնին»,-ասաց նա:
Շենթոփը հավելել է նաև, որ Անկարան կարող է նախաձեռնություններ իրականացնել տարածաշրջանում և աշխարհում հակամարտությունների կարգավորման հարցում:
Zham.am
Հետևեք մեզ Facebook-ում