Երկու տարի է երկու նախադասություն է քննարկվում․ Հարությունյանն ընդդեմ Բաբաջանյանի նիստը կրկին հետաձգվեց. Տեսանյութ
Ես որևէ հանդիմանություն դատարանի նկատմամբ չունեմ, բայց ես տեսնում եմ պատասխանող կողմի վարքագիծը, ցանկացած պահ ցանկացած, առիթ դատավարության բոլոր ընթացակարգերը օգտագործելով հետաձգելոի։ Արդեն երրրորդ թե չորրորդ նիստն է հետաձգվում է։ Այս մասին Խոսրով Հարությունյանն ընդդեմ Արման Բաբաջանյանի դատական նիստից հետո ասաց ՀՀ նախկին վարչապետ Խոսրով Հարությունյանը։ «Երկու տարի է երկու նախադասություն է քննարկվում»,- նշեց Հարությունյանը հավելելով, որ սա անթույլատրելի է։
Հիշեցնենք, որ Խոսրով Հարությունյանը դատական հայց է ներկայացրել Երևանի ընդհանուր իրավասության դատարան՝ պատիվը, արժանապատվությունը և գործարար համբավն արատավորող տեղեկությունները հերքելուն պարտավորեցնելու ու պատվին, արժանապատվության ու գործարար համբավին պատճառված վնասի փոխհատուցման պահանջ է ներկայացրել 2 միլիոն դրամի չափով։
2019 թվականի ապրիլի 18-ին ԱԺ լիագումար նիստում, երբ ընտրվում էր ՀԾԿՀ-ի նախագահ, թեկնածու Գարեգին Բաղրամյանին դիմելով՝ ԱԺ պատգամավոր Արման Բաբաջանյանն ասել է. «Ձեր պաշտոնավարման ընթացքում բազմաթիվ նախկին բարձրաստիճան պաշտոնյաների, զինվորականների հանձնաժողովը տվել է արտոնագիր ՀԷԿ-երի, ջրային ռեսուրսների կառավարման համար և ակնհայտ է, որ այդ ոլորտներում բազմաթիվ խախտումներ են տեղի ունեցել, թալան է տեղի ունեցել: Եվ դա, ընդհանուր առմամբ, ձեր կրավորական հայացքի ներքո և մասնակցությամբ: Ընդհանրապես, այդ պաշտոնյաները, ա՛յ Աղվան Հովսեփյանը, Խոսրով Հարությունյանը, տարբեր գեներալների, երբ լիցենզիա էիք տալիս ՀԷԿ-եր կառուցելու ու շարունակում են մնալ այդ մարդկանց սեփականության տակ, որևէ ձևով փորձե՞լ եք դիմադրել, թույլ տալ չհամաձայնվել հանձնաժողովի որոշումների ընթացքում»:
Հետևեք մեզ Facebook-ում