Վարձքներդ կատար, ԱՄՆ Հայ դատի հանձնախմբի նվիրյալներ

Հայ ժողովուրդը ստացավ այն ճանաչումը, որի համար բոլորս հույս ենք ունեցել և աղոթել։

Իր ֆեյսբուքյան, ինսթագրամյան, թվիթերյան հաշիվներում ուղերձ է հղել ամերիկահայ մոդել, դերասանուհի Քիմ Քարդաշյանը։

«Ավելի քան մեկ դար տևած ճշմարտության և ճանաչման համար պայքարելուց հետո, այսօր հայ ժողովուրդը ստացավ այն ճանաչումը, որի համար բոլորս հույս ենք ունեցել և աղոթել. նախագահ Բայդենը 1915-ին 1,5 միլիոն հայերի կոտորածը հռչակեց ցեղասպանություն», - երեկ իր ուղերձում նշել է Քարդաշյանը։

Նա գրել է, որ սա երկար ճանապարհ էր հայ համայնքի համար։ «Եվ ես ամեն տարի զգում էի, որ ավելի ու ավելի ենք մոտենում ցեղասպանության ճանաչմանը, ինչպիսին որ կա: Վերջապես եկել է այդ օրը»։

«Ես այնքան հպարտ եմ իմ ժառանգությամբ, հպարտ եմ հայկական համայնքներով ու երախտապարտ եմ նախագահ Բայդենին յուրաքանչյուր հայի այս օրը և այս ճշմարտությունը երաշխավորելու համար», - ընդգծել է ամերիկացի աստղը:

Ամերիկահայ մոդելը գրել է, որ չնայած ոչինչ երբեք չի վերադարձնի հայերին, ովքեր սպանվեցին, «հուսով եմ, որ նրանց ընտանիքներն այժմ կունենան խաղաղության զգացում: Ես կշարունակեմ հարգանքի տուրք մատուցել ու հիշել նրանց, ում մենք կորցրինք ամեն օր այս օրը, բայց հիմա հույսով, որ ցեղասպանությունը ճանաչելուց հետո մենք երբևէ թույլ չենք տա անցյալի ոճրագործությունների կրկնություն»:

«Շնորհակալ եմ, նախագահ Բայդեն, քո համարձակության համար խոսել ճշմարտությունների մասին, որոնց մասին ուրիշներն ընտրեցին չանել։

Քիմ», - եզրափակված է ուղերձում։