Ադրբեջանական համալսարաններից մեկում, պատասխանելով Մեթյու Բրայզայի հարցին, Ալիևը դժգոհել է հայաստանյան ընդդիմությունից

Ադրբեջանական համալսարաններից մեկում, պատասխանելով Մեթյու Բրայզայի հարցին, Ալիևը դժգոհել է հայաստանյան ընդդիմությունից: Նրա խոսքերով՝ ընդդիմությունը խանգարում է համերաշխության ու կայունության հաստատմանը Հայաստանում՝ ռիսկեր ստեղծելով տարածաշրջանում նոր մթնոլորտի ձևավորման համար: 

Ինչ վերաբերում է գործող «իշխանություններին», ապա միակ անձը, ում թիրախավորել է Ալիևը, արտաքին գործերի նախարարն է: Ըստ Ապշերոնի սուլթանի՝ նա առանձնանում է բավականին ագրեսիվ ու ապակառուցողական կեցվածքով: Ինչ վերաբերում է դավաճանական ռեժիմի պարագլխին ու նրա սպասարկուներին, ապա նրանց հասցեին հնչեցված գնահատականները կրում էին ընդհանրական, խիստ մակերեսային բնույթ: Իհարկե, ԱԳ նախարարի թիրախավորումը ամենևին չի նշանակում, որ Ալիևը առանձնացնում է նրան՝ որպես նիկոլական ռեժիմի անտիպոդի: Մինի-սուլթանը պարզապես հուշում է իր հայաստանյան խամաճիկին, որ ՀՀ ԱԳՆ-ում անհրաժեշտ են լուրջ վերադասավորումներ, քանի որ դժվար է աշխատել մի կառույցի հետ, որը դեռևս պահպանում է որոշակի ինստիտուցիոնալ իմունիտետ: 

Հատկանշական է նաև, որ Ալիևը նույն ելույթի ժամանակ դիմել է Հայաստանի քաղհասարակությանը, որն «ավելի իմաստուն է ու պատրաստ է հրաժարվել ադրբեջանաֆոբիայից»։ Թե քաղհասարակության որ շերտերի մասին է խոսքը, կարծում եմ, միանգամայն պարզ է: Տարիներ շարունակ Հայաստանում գործող բազմաթիվ հասարակական միավորներ՝ սնուցվելով խիստ կասկածելի աղբյուրներից, արդյունավետ գործիք ծառայեցին «թավշյա հեղափոխություն» աշխարհաքաղաքական օպերացիան իրականացնելու համար: Նույն խմբի մեջ է պետք դիտարկել նաև Հայաստանում ակտիվ գործունեություն ծավալող աղանդավորական կազմակերպությունները, որոնք խոշոր հաշվով երբեք չեն թաքցրել կապը Ադրբեջանում գործող նմանատիպ կառույցների հետ:

Քաղաքագետ Վահե Դավթյանի ֆեյսբուքյան էջից