Համեմը՝ 20 դրամ․ Արմավիրի մարզի գյուղերում գյուղմթերքի իրացման լուրջ խնդիր կա

«Ժողովուրդ» օրաթերթը գրում է. «Արմավիրի մարզի գյուղերում գյուղմթերքի իրացման լուրջ խնդիր կա: Մարզի գյուղերի մեծ մասում բնակիչներն այս ժամանակահատվածում հիմնականում զբաղվում են կանաչեղենի մշակությամբ, սակայն այն չկարողանալով վաճառել՝ քաղում թափում են:

Օրեր առաջ «Ժողովուրդ» օրաթերթը եղավ սահմանամերձ Մարգարա գյուղում, որտեղ բնակիչները հիասթափված քաղել և թափել են աղբանոցը: Տեղեկացնենք, որ ապրիլի սկիզբ գյուղացիները կարողանում էին միջնորդ կազմակերպությունների կամ անհատների միջոցով կանաչեղենն արտահանել Ռուսաստան, և այդ պատճառով շուկայում այն քչացել էր, իսկ Սուրբ Զատկինի տոնին կանաչու մեկ կապը գերազանցում էր 200 դրամը:

Բայց վերջին օրերին կանաչեղենի արտահանման ծավալները փոքր-ինչ նվազել են, շուկայում վաճառքի կանաչին շատացել է, այդ պատճառով գյուղացիների մեծ մասը մեկ կապ hամեմը կամ մաղադանոսը վաճառում է 20 դրամով»։

Մանրամասները՝ թերթի այսօրվա համարում