Հայաստանը «Եվրատեսիլ-2017»-ի եզրափակչում է

Ուկրաինայի մայրաքաղաք Կիեւում քիչ առաջ ավարտվեց «Եվրատեսիլ-2017»-ի 1-ին կիսաեզրափակիչ փուլը, որի ընթացքում Հայաստանը ներկայացրեց Արծվիկը: Պրոֆեսիոնալ ժյուրիի եւ sms քվեարկության արդյունքում Արծվիկն արդեն եզրափակիչ փուլում է եւ պայքարը կշարունակի մայիսի 13-ին: Եզրափակիչ փուլ անցան նաեւ Մոլդովայի, Հունաստանի, Շվեդիայի, Պորտուգալիայի, Լեհաստանի, Ավստրալիայի, Կիպրոսի, Ադրբեջանի եւ Բելգիայի ներկայացուցիչները:

Մոնտենեգրո, Ֆինլանդիա, Վրաստան, Պորտուգալիա, Բելգիա, Շվեդիա, Ալբանիա, Ավստրալիա, Ադրբեջան, Կիպրոս, Սլովենիա, Մոլդովա, Չեխիա, Լատվիա, Իսլնդիա, Հունաստան, Լեհաստան

«Անսահման երախտիքս եմ հայտնում բոլոր նրանց, ովքեր կյանքիս այս կարեւորագույն փուլում կողքիս են եւ սատարում են ինձ: Այժմ լիարժեք եմ հասկանում մի ամբողջ հայրենիք ներկայացնելու պատիվն ու պատասխանատվությունը, իսկ, որ ամենակարեւորն է, այսօր գիտեմ` իրական թռիչքի համար թեւեր հարկավոր չեն»,- նշում է Արծվիկը:

Մրցույթի եզրափակիչ փուլը կհեռարձակվի մայիսի 13-ին` ժամը 23:00-ին Հանրային հեռուստաընկերության եւ Հանրային ռադիոյի եթերում: Այն կրկին կմեկնաբանեն Առաջին ալիքի հաղորդավարներ Ավետ Բարսեղյանն ու Գոհար Գասպարյանը, հայաստանյան միավորները կհայտարարի «Եվրատեսիլ-2016»-ի ներկայացուցիչ Իվետա Մուկուչյանը: