«Ո՞վ է պատասխանատու գերիների հարցը նման փնթի քաղաքական խաղերի թատերաբեմ խցկելու և ձախողելու համար»․ Կնյազ Սարոյան

«ԵԽԽՎ դեգերումներ. պարզաբանում ԵԽԽՎ-ում այսօր տեղի ունեցած քվեարկության հետ կապված կայքում հասանելի բաց աղբյուրներից պարզվում է, որ

1. իսկապես հայ ռազմագերիների հարցը և Նավալնու հարցը քվեարկվել է առանձին

2. որոշ ռուս պատվիրակներ դեմ են քվեարկել հայ ռազմագերիների բլոկին, այսինքն` current affairs debate-ին, բայց`

3. ռուսները դեմ են քվեարկել, քանի որ ԵԽԽՎ-ն այդ նույն բլոկում ներառել է նաև ակնհայտ հակառուսական հարց, հետևյալ ձևակերպմամբ` «Russian threat to the pursuit of peace in Europe»:

Հիմա հարց`

1. Հայկական պատվիրակությունն ինչու՞ մինչ այժմ չի մեկնաբանում, թե ինչը ոնց է տեղի ունեցել

2. Հայկական պատվիրակությունը ո՞նց է բացատրում, ինչու՞ է ԵԽԽՎ-ն նույն բլոկում ներառել հայ ռազմագերիների հարցն ու ակնհայտ հակառուսական հարց, երբ պարզ էր , որ նման հանգամանքը ավելի քան խնդրահարույց է ու ըստ այդմ դատապարտված է այդ քվեարկությունը:

3. Եթե իրոք խնդիրը հայ ռազմագերիներին օգնելն է, ապա ինչու է այդտեղ ներառվում որևէ այլ հարց, երբ ակնհայտ է, որ մարդու իրավունքների տեսանկյունից դրանք բացարձակ համատեղելի հարցեր չեն: Այսինքն` հայ ռազմագերիների հարցը և Եվրոպայում խաղաղության հաստատմանը Ռուսաստանի սպառնալիք լինելը այդ ո՞ր իմաստով են իրար հետ փոխկապակցված, որ պետք էր դնել կողք կողքի: Եվ վերջապես` ո՞վ է պատասխանատու գերիների հարցը նման փնթի քաղաքական խաղերի թատերաբեմ խցկելու և ձախողելու համար»:

Կնյազ Սարոյանի ֆեյսբուքյան էջից