Պետական դրոշը` դրա պատիվն արժանապատվորեն պահած զինվորականների հետ, իջավ գերեզման
2019 թվականի ապրիլին հայտնի չհաջողված դերասանը հյուրախաղերի էր մեկնել Նորագավիթի ավտոմաքսատուն և Հայաստանի Հանրապետության պետական դրոշի թեմայով բեմականացում էր բեմադրել՝ ցույց տալու համար իր «հարգանքը» և «վերաբերմունքը» պետական խորհրդանիշի նկատմամբ։ Դրոշը սենյակի մի անկյունում դրած մաքսային ծառայողին աշխատանքից ազատելու ապօրինի հրահանգով նա փորձեց ինքնահաստատվել` սովորական մի ծառայողի անարգելու միջոցով։
2020 թվականից այդ նույն մահաբեր ազգադավի գործողությունների հետևանքը դարձավ այն, որ Հայաստանի Հանրապետության պետական դրոշը իջեցվեց հայկական բարձունքներից և պետական կառույցների գագաթներից ու տեղադրվեց հազարավոր գերեզմանների կողքին։ Պետական դրոշը` դրա պատիվն արժանապատվորեն պահած զինվորականների հետ, իջավ գերեզման, դրվեց գետնին, գերեզմանների կողքին։
Հայաստանի Հանրապետության պետական դրոշը, պետականությունը կործանող խունտայի պատճառով, դարձել է գերեզմանի խորհրդանիշ։ Եռաբլուր զինվորական Պանթեոնում և գրեթե բոլոր բնակավայրերի համայնքային գերեզմանատներում, գետնին դրված խոնարհված եռագույները վկայում են այնտեղ հանգչող Հայրենիքի համար նահատակված Հայրենիքի զավակների մասին։ Արդար են նրանք, ովքեր կվռնդեն նրան թե՛ գերեզմաններից, թե՛ դրոշի մոտից, թե՛ մեր հանրային կյանքից։
Եռագույն դրոշը պետք է վերստին ծածանվի հպարտության բարձրունքներում և դա պետք է այս անգամ խորհրդանշի ազգադավ խուժանի տապալման ուշացող ավետիսը, իսկ հետագայում՝ մեր հաջողությունները և նվաճումները։
Էդգար Ղազարյանի ֆեյսբուքյան էջից
Հետևեք մեզ Facebook-ում