Ընտրություններից առաջ Փաշինյանը նպատակ ունի սեփականաշնորհել ողջ դատական համակարգը
Եվ այսպես, ընտրություններից երկու ամիս առաջ Փաշինյանի ջանքերով կասեցվեցին ԲԴԽ նախագահ Ռուբեն Վարդազարյանի լիազորությունները, և դրանք դրվեցին Գագիկ Ջհանգիրյանի վրա:
Հիշեցնենք, որ օրեր առաջ Վարդազարյանի կնոջը հրավիրել էին ՀՔԾ ինչ-որ քրեկան գործով: Այն, որ Վարդազարյանը վաղուց էր գտնվում Փաշինյանի իշխանության թիրախում, հայտնի է բոլորին: Դեռ անցած տարվա ամռանն իշխանությունները պահանջում էին Ռուբեն Վարդազարյանից, որ վերջինս դիմում գրի ու հեռանա համակարգից: Ըստ էության, կրկնվում էր Հրայր Թովմասյանի պատմությունը: Ինչպես որ Փաշինյանը սեփականաշնորհեց Սահմանադրական դատարանը, հեռացնելով Հրայր Թովմասյանին ՍԴ նախագահի պաշտոնից, այնպես էլ այսօր Փաշինյանը նպատակ ունի իր վերահսկողության տակ վերցնել երկրի ողջ դատական համակարգը: Հաջորդը լինելու է ՄԻՊ Արման Թաթոյանի խնդիրը, որից հետո երկրի ողջ պետական համակարգը հայտվելու է մեկ մարդու գրպանում:
Դրանից հետո Փաշինյանն առանց իրավական աղմուկի կարող է կեղծել ընտրություններն ու երկրում հաստատել բացահայտ բռնատիրական ռեժիմ, որտեղ պետական գրեթե բոլոր ինստիտուտներում` Կառավարությունում, Աժ-ում, ՍԴ-ում, դատարաններում, ԺԵԿ-երում կլինեն «ուսապարկեր»: Ըստ էության, դրանով Փաշինյանը կփորձի կազմալուծել պետական ողջ համակարգը, քանզի բացառապես դրա մեջ է տեսնում իր անվտանգության երաշխիքը: Այստեղ աշխատում է հայտնի փիլիսոփայական բանաձևը. «Կա՛մ Հայաստանը դուրս կշպրտի Փաշինյանին իր համակարգից, կա՛մ Փաշինյանը կկազմալուծի ու կոչնչացնի ողջ պետական համակարգը»:
Սա է երկընտրանքը, քանզի Արցախի պետականության կորուստն ու ավելի քան 15 հազար զոհերի ու վիրավորների առկայությունը այլ ելքի տարբերակ չի տալիս ո՛չ Փաշինյանին, ո՛չ էլ՝ հայկական պետականությանը:
Սա՛ է իրականությունը
Արտակ Հակոբյան
Հետևեք մեզ Facebook-ում