Բանակի մասին տարիներ շարունակ խոսող «քաղհասարակությունը» հայ բանակն ու հայ զինվորին անարգող Ալիևին ասելիք չունի
Արցախյան պատերազմից ամիսներ անց, Բաքվում նախօրեին բացվել է ռազմական ավարի պարկ։ Պարկում ցուցադրվում են Ադրբեջանի ռազմական ավարները, որոնք հայկական կողմից Բաքվին են անցել 2020 թվականի աշնանը Արցախյան երկրորդ պատերազմի ընթացքում:
Այստեղ ցուցադրվում է ավելի քան 300 ցուցանմուշ, այդ թվում՝ մինչև 150 կտոր ծանր տեխնիկա, տանկեր, մարտական մեքենաներ, հրետանային կայանքներ, հայ զինվորին նվաստացնող մանեկեններ: Ադրբեջանական մամուլը ողողված էր Իլհամ Ալիևի լուսանկարներով, որն անցնում էր զոհված հայ զինծառայողների սաղավարտների կողքով՝ ժպիտը դեմքին:
Ալիևը ավելի քան 5000 հայ հերոսների հիշատակը անարգում է, ամբողջ աշխարհին ի լուր Հայաստանին ծաղրում է, ադրբեջանական հանրությունը հրճվում է, աշխարհն անտարբեր է, իսկ Հայաստանում լռություն է՝ մի մասը ցավից ու զայրույթից, իսկ մի մասն էլ պետք է որ պետք է ասելիք ունանար, կարծես «ասելիք չունի»: Իշխանական «գելխեղդերից» ոչ մեկ համարժեք պատասխան չտվեց Ադրբեջանին, գլխավոր «գելխեղդը» լուռ է, միայն պատգամավորներն ԱԺ ամբիոնից պաթոսով և հայերենով ինչ-որ հայտարարություններ էին անում՝ անհասկանալի է՝ թե ում:
Իսկ քաղհասարակությունը, մասնավորապես սորոսական հատվածը, որ նախկինում բանակի հետ կապված յուրաքանչյուր դրվագից աղմուկ էր բարձրացնում, օրվա իշխանություններին բոլոր հնարավոր և անհնար արարքներում մեղադրում, պարզվում է, որ այդ նկարներից ոչ ցնցվել են, ոչ էլ մեղավորներ են գտել:
Այսպես, տարիներ շարունակ իրավապաշտպան Ժաննա Ալեքսանյանը ակտիվ քննադատել է բանակը, ազգ-բանակ հայեցակարգի դեմ պայքարել, ով միշտ պնդում էր, որ բանակում տեղի ունեցող ինքնասպանությունները սպանություններ են, երեկվանից հետո, երբ սպանված և խոշտանգված հայ զինվորների մանեկենների կողքով անցնում է Ալիևը, նա լռում է: Նա իր էջում միայն կիսվել է նյութով և գրել, որ Հայաստանին ժամանակակից բանակ է պետք:
Ժուռնալիստների «Ասպարեզ» ակումբի ղեկավար Լևոն Բարսեղյանը այդ նույն ընթացքում իր էջում կիսվում է խորովածի նկարով: Մինչդեռ միայն նշենք, որ նրա ղեկաված ակումբը միայն ամերիկյան «Ժողովրդավարության ազգային հիմնադրամից» տարիներ առաջ 29100 ԱՄՆ դոլար դրամաշնորհ էր ստացել ՀՀ ԶՈւ ոչ մարտական կորուստների տվյալների բազա ստեղծելու համար: Բազան ինչ նպատակով էր ստեղծվում, ու՞մ համար՝ պարզ չէ։
Հայտնի սորոսական Արսեն Խառատյանը ևս ասելիք չունի: Նշենք, որ նա տարիներ առաջ եղել է սորոսական ֆինանսավորմամբ ստեղծված «Բանակն իրականում» նախաձեռնության անդամ, որի անդամներից էին նաև Արթուր Սաքունցը, Մարո Մաթոսյանը և ակնառու այլ սորոսական ներկայացուցիչներ: Այդ նախաձեռնությունը գործունեության ընթացքում Հայկական Զինված Ուժերը թիրախավորել է, վարկաբեկել, ոչ դրական լույսի ներքո ներկայացրել: Ի դեպ, նա ևս դեմ էր Ազգ-բանակ հայեցակարգին: Ստորև ներկայացնենք նրա հարցազրույցից մի հատված:
«Վազգեն Սարգսյանի` «սաղիդ բռնեմ տանեմ բանակ»-ի ժամանակներն անցել են, պարոն Վիգեն Սարգսյան: Մեր ունեցած խնդիրների առանցքում հենց Ձեր ու ձեր վարչակարգի կառավարման ոչ արդյունավետ, անարդար ու երկերեսանի համակարգն է, ուստի առնվազն ազնիվ չէ հետեւանքների վերացման փորձերը ներկայացնել որպես բարեփոխում կամ արդարության հաստատում: «Պատիվ ունեմ»-ի մակարդակի աղքատիկ սովետական երեւակայությունը համահունչ չէ Հայաստանի ու հայ ժողովրդի առջեւ ծառացած մարտահրավերներին, քանի որ նախեւառաջ քաղաքացուն դիտարկում է որպես ռեսուրս և ոչ որպես արժեք»:
Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը, ով տարիներ շարունակ բանակի վարկաբեկմամբ է զբաղված, պարբերաբար հրապարակում էր ուսումնասիրություններ Զինված ուժերում մահվան դեպքերի հետ կապված, իր էջում կիսվել է միայն միջազգային արձագանքով, ինքն անձամբ ասելիք չունի: Վստահաբար սա այն դեպքն է, որ «իրավապաշտպանը» աշխատում է միայն պատվերի շրջանակում, իսկ պատվերից դուրս իրադարձություններին արձագանքելը հնարավոր է ոչ ցանկալի լինեն պատվիրատուին։
«Իրազեկ քաղաքացիների միավորում» հ/կ համակարգող Դանիել Իոաննիսյանը, ով անդրադառնում է յուրաքանչյուր թեմայի, կապ չունի հասկանում է դրանից, թե ոչ, կոռուպցիայի գծով փորձագիտական վերլուծություններ է անում, Ընտրական օրենսգրքի մասին է խոսում, Սահմանադրությունից խոսում, պատերազմի օրերին էլ Արցախում անհասկանալի գործունեությամբ էր զբաղված, բանակից ու գեներալներից էր խոսում, Ադրբեջանին և Ալիևին ասելիք չունի: Փոխարենը, նորից նրա թիրախում ՀՀ երկրորդ նախագահն է։
Թուրքիայի և Ադրբեջանի հետ հարևանության կոչեր անող և համամարդկային խաղաղասիրությունից խոսող իշխանական պատգամավոր Մարիա Կարապետյանը, հայերին ուղղված այս հակահումանիստական ակցիայի ժամանակ նույնպես լուռ է:
Եվ ահա այս ամենի ֆոնին օգնության կոչով սորոսականներին և թրքասիրության քարոզիչներին է դիմում Ադրբեջանի նախագահ Իլհամ Ալիևը, որտեղ նա բոլոր կետերը դնում է իրենց տեղերում։
«Միևնույն ժամանակ, մենք պետք է նայենք դեպի ապագան: Այստեղ մենք ակնկալում ենք ավելի շատ աջակցություն Հայաստանի քաղաքացիական հասարակությունից... Հակամարտությունը լուծված է, և մենք պետք է նայենք ապագային»:
Հետևեք մեզ Facebook-ում