«Հայրենիք» կինոթատրոնի սյունը դեռ քանդված է․ ավտովթարից անցել է մոտ 2 ամիս. Տեսանյութ

Փետրվարի 25–ին Երևանում մահվան ելքով ավտովթարժ տեղի ունեցավ․ ավտոմեքենան բախվել էր ստորգետնյա բետոնե պատնեշին, կոտրել այն ու տապալել «Հայրենիք» կինոթատրոնի սյունը։

Շենքը մասնավոր սեփականություն է, հետևաբար այն նորոգելու հարցում քաղաքապետարանն ըստ օրենքի պատասխանատվություն չի կրում, նորոգումն էլ ձգձգվում է։

Քաղաքապետարանը լուծել է միայն ստորգետնյա անցումի պատնեշները նորոգելու խնդիրը։ Այժմ շինարարական աշխատանքներ են ընթանում։

Շենքի սեփականատեր Սարգիս Հովհաննիսյանի խոսքով՝ շենքի նորոգման համար ոչ մի տեղից աջակցություն չի ստանում։ Անցումի պատնեշի շինարարության ավարտից հետո կսկսեն շենքի նորոգումը, որի ամբողջ ծախսերը պետք է հոգա սեփականատերը։

Քաղաքային իշխանությունը պայքարում է շենքի հին տեսքի համար, սեփականատերն էլ պնդում է՝ շենքը հին տեսքն ունենալ այլևս չի կարող․ գոնե քարերը պիտի տարբերվեն։ Սարգիս Հովհաննիսյանի խոսքով՝ շենքը պատրաստ կլինի մոտ 1 ամսից։ 

Մանրամասները՝ Tert.am-ի տեսանյութում