Նիկոլ Փաշինյան վարչապետը տգետ զանգվածի վրեժն է բոլոր հաջողակ, կրթված, աշխատող մարդկանցից. Բագրատ Եսայան

Ես զարմացած եմ մեր ժողովրդի համբերության վրա, որը 3 տարի շարունակ բերանները բաց սպասում էին այս իշխանությունից ինչ-որ մի դրական տեղաշարժի, խոստումների կատարման: Այս մասին այսօր՝ ապրիլի 9-ին, մամուլի ասուլիսի ժամանակ նշեց ՀՅԴ անդամ Բագրատ Եսայանը:

«Ամեն անգամ այդ խոստումները դրժվում են, խոստումներին հակառակ քայլեր են արվում, եւ ժողովրդի մի որոշակի հատված շարունակում է հավատալ այդ ստախոսին, այդ դավաճանին, այդ հողատուին: Եթե նախկին երեք իշխանությունների օրոք սրա արածի 10 տոկոսը որեւէ մեկն իրեն թույլ տար, փողոցները լցված կլինեին բազմությամբ»,-ասաց նա:

Բագրատ Եսայանը անդրադառնալով նրան, որ շատ մարդիկ պատրաստ են այսօր էլ քվեարկել Նիկոլ Փաշինյանի օգտին, ասաց, որ նրանք որպես պատճառ նշում են, որ Նիկոլն իրենց նման խեղճ ու անճար է. «Այսինքն այս ժողովրդի մեջ մի հատված կա խեղճ ու անճար, բացարձակապես տգետ, ապաշնորհ, որն ի դեմս այդ անձնավորության իր հայելային արտացոլումն է տեսնում եւ սա նրա վրեժն է: Նիկոլ Փաշինյան վարչապետը այդ զանգվածի վրեժն է բոլոր հաջողակ, կրթված, աշխատող մարդկանցից: Ես վստահ եմ, որ այդ զանգվածը, ցավոք սրտի, հաջողացրել է իր արտադրանքին բերել իշխանության: Մենք հիմա ընտրությունների հնարավորությունը պետք է օգտագործենք մի բանի համար՝ նրան քշել վրչապետի աթոռից»,-ասաց նա:

Բագրատ Եսայանը հայտարարեց, որ այսօր կոռուպցիայի մարմնավորումը հենց Նիկոլ Փաշինյանն է. «Այս մարդիկ իշխնության գալով ոչ միայն կոռուպցիայի դրսեւորումը հասցրեցին հիպեր աստիճանի, ոչ միայն 200 մլն դոլարի պարգեւավճար գրեցին իրենց, այլեւ գողացան «Հայաստան» հիմնադրամի փողերը: Հիմա նորից գնալ նախընտրական քարոզարշավի՝ թալան, կոռուպցիա, նախկիններ լոզունգն օգտագործելով, դա ուղղակի ապուշության գագաթնակետն է:

Նրանք օգտագործելու են այդ գումարները, որ գնեն ձայներ, որովհետեւ այն մարդիկ, որոնք կուրորեն հավատում են Նիկոլ Փաշինյանին, առանց փողի ընտրության չի գնալու:

Zham.am