Ովքեր են Մոսկվայում դավաճանի հետ հանդիպածները

AntiFake.am-ը  գրում է.

Երեկ՝ ապրիլի 7-ին, Հայաստանի վարչապետի պաշտոնը զբաղեցնող Նիկոլ Փաշինյանը Մոսկվայում հանդիպում է ունեցել ՌԴ նախագահ Վլադիմիր Պուտինի հետ, որից հետո հանդիպել է նաև Մոսկվայի «Հայ իրավաբանների ասոցիացայի» մի քանի տասնյակ անդամների հետ:

Մամուլի տեղեկություններով՝ Փաշինյանի հետ հանդիպումը ծայրից ծայր բեմականացվել է. հանդիպման մասնակիցների ապահովման գործը ստանձնել է «Հայ իրավաբանների ասոցիացիայի» ղեկավար Շահեն Պետրոսյանը, որին Փաշինյանը ԵԱՏՄ-ում պաշտոն է խոստացել: Նրան հաջողվել է հավաքել շուրջ 25 մարդու, որոնց ցուցակը փոխանցել է հյուրանոցի անվտանգության աշխատակիցներին: Բեմականացվել են նաև Փաշինյանին տրվելիք հարցերը, որոնք մասնակիցներին բաժանվել են նախօրոք և յուրաքանչյուր մասնակցի անվան դիմաց գրված է եղել հարցը, որը պիտի ուղղվեր Փաշինյանին:

Ավելի ուշ իրավապաշտպան Ռուբեն Մելիքյանի ձեռքի տակ է հայտնվել հանդիպմանը մասնակցած անձանց անունները, որը վերջինս հրապարակել է իր ֆեյսբքուքյան էջում՝ գրելով. «Հրապարակում եմ երկու նպատակով. (1) այդ անձանց բարոյական պարսավանքի ենթարկելու համար, (2) ի գիտություն նրանց ճանաչողներին. հուսով եմ՝ կբացատրեն, թե ինչ աստիճան վիժվածքի հետ են հանդիպել, հուսով եմ՝ այդ էժան բեմականացմանը մասնակցած կոլեգաները հրապարակավ կապաշխարհեն»։

Տելեգրամյան ալիքների փոխանցմամբ՝ Փաշինյանի հետ բեմականացված հանդիպմանը մասնակցած անձանցից 5-ը ցուցադրաբար լքել են հանդիպման սրահը:

Մանրամասները սկզբնաղբյուր կայքից