Ղարաբաղում հրադադարը լավ հնարավորություն է . Չավուշօղլուն արձագանքու՞մ է ՀՀ իշխանություններին
Ինչպես հաղորդում է «Անադոլու» թուրքական գործակալությունը, Թուրքիայի արտգործնախարար Մևլյութ Չավուշօղլուն Քուվեյթի իր գործընկեր շեյխ Ահմեդ Նասիր Մոհամեդ աս Սաբահի հետ հանդիպման ժամանակ խոսել է Կենտրոնական Ասիայում, Հարավային Կովկասում և Արցախում տեղի ունեցող իրադարձությունների մասին:
«Ղարաբաղում հրադադարը լավ հնարավորություն է: Տարածաշրջանում բարեկեցություն ապահովելուն զուգահեռ` մենք հնարավորություն ունենք իրականացնել կարևոր նախագծեր և կարգավորել հարաբերությունները: Եթե Հայաստանը դրան դրական արձագանքի, ապա Հարավային Կովկասը հետագայում կարող է դառնալ խաղաղության և կայունության տարածաշրջան»,-ասաց նա։
Հիշեցնենք, որ ավելի վաղ «Առավոտ»-ին տված հարցազրույցում ԱԺ փոխնախագահ Լենա Նազարյանը սկանդալային հայտարարություն էր արել, որը դժգոհության մեծ ալիք էր առաջացրել հայ հասարակության շրջանում. «Գուցե հիմա լավ շանս կա, որ Թուրքիայի հետ թշնամանք չլինի»
Zham.am
Հետևեք մեզ Facebook-ում