Կրեմլից խոսել են Պուտինի ու Փաշինյանի հանդիպման օրակարգի մասին

Ռուսաստանի Դաշնության նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպմանը կարող է քննարկել երկկողմ օրակարգը, ինտեգրման գործընթացները, ինչպես նաև Ղարաբաղի վերաբերյալ համատեղ եռակողմ հայտարարությունների իրագործումը: Այս մասին ասել է ՌԴ նախագահի մամուլի քարտուղար Դմիտրի Պեսկովը:

«Ես չեմ կարող որևէ բան ասել հրթիռի մասին, չգիտեմ, տեղեկություն չունեմ», – լրագրողների այն հարցին, թե արդյոք Պուտինը ՀՀ վարչապետ Նիկոլ Փաշինյանի հետ հանդիպման նախօրեին ստացել է զեկույց «Իսկանդերի», վերաբերյալ ադրբեջանական կողմի հայտարարության հետ կապված, ասել է Պեսկովը։

Ինչ վերաբերում է Հայաստանի ղեկավարի հետ զրույցի թեմաներին, ապա, ըստ Ռուսաստանի Դաշնության նախագահի մամուլի քարտուղարի, կլինեն երկկողմ օրակարգին վերաբերող հարցեր։

Մենք ունենք ակտիվ միջկառավարական հանձնաժողով, մեր կողմից (Ալեքսեյ) Օվերչուկը՝ փոխվարչապետը համանախագահ է:

Դրանք, իհարկե, ինտեգրացիոն գործընթացներ են, քանի որ մենք ունենք սերտ տնտեսական փոխգործակցություն Հայաստանի հետ ինչպես ԱՊՀ շրջանակներում, այնպես էլ ԵվրԱզԷՍ-ի, և ՀԱՊԿ-ի շրջանակներում: Եվ, իհարկե,այն` ինչպես են իրականացվում Ղարաբաղի վերաբերյալ համատեղ եռակողմ հայտարարությունները, և ինչպես է տարածաշրջանում ստեղծվում խաղաղ կյանք, տրանսպորտային ենթակառուցվածքների զարգացում և ապաշրջափակում և այլն, և այլն», – ասել է Պեսկովը: