Ամերիկյան անօդաչու թռչող սարքը թռել է Դոնբասի վրայով, Ռուսաստանը պատասխանել է՝ օդ բարձրացնելով իրենը. Լուսանկար

Դոնեցկի ու Լուգանսկի մարզերի երկնքում ԱՄՆ օդուժի RQ-4A Global Hawk հետախուզական անօդաչու թռչող սարք է նկատվել: Այդ մասին վկայում են Flightradar ծառայության տվյալները:

Ըստ Flightradar-ի` անօդաչուն թռչել է բացառապես Ուկրաինայի կողմից վերահսկվող տարածքներում: Ժամը 12:00-ի դրությամբ անօդաչու սարքը երկնքում էր՝ Սևերոդոնեցկ, Սլավյանսկ և Ստարոբելսկ քաղաքներին հարող տարածքում:

Միևնույն ժամանակ, Տագանրոգ շրջանում նկատվել է ռուսական Tu-214ON բարդ հետախուզական ինքնաթիռ: Այն երկինք է բարձրացել Կիևի ժամանակով ժամը 09:28-ին, ռադարներից անհետացել է 12:04-ին:

Հիշեցնենք, որ այսօր Ուկրաինայի նախագահ Վլադիմիր Զելենսկին և ՆԱՏՕ-ի գլխավոր քարտուղար Յենս Ստոլտենբերգը քննարկել են Դոնբասում իրավիճակի սրման հարցը:

Zham.am