Արամ Զավենիչից ձեն-ձուն չկա՞

ՄԵնք կարող ենք սենսացիա արձանագրենք Հայաստանում։ Քոչարյանը հարցազրույց է տվել, իսկ նրա հարցազրույցից 12 ժամ անց Արամ Զավենիչը դեռ չի արձագանքել։ Սույն փաստը հուշում է, որ Զավենիչի գործերը խառն են։

Կա՛մ նա ֆիզիկապես հիվանդ է, առողջ ապրելակերպի առումով խնդիր ունի, և դրա համար էլ Քոչարյանի հարցազրույցին մինչ այս պահը չի արձագանքել, մանավանդ որ քովիդի հիվանդների քանակը Հայստանում կտրուկ աճել է ու չի բացառվում, որ այս խնդիրը չի խնայել նաև Արամ Զավենիչին։ Կա նաև երկրորդ տարբերակ, որ նախընտրական թոհ ու բոհում Արամ Զավենիչը ինչ-ինչ պատճառներով նեղվել էր Փաշինյանից, հասկացել, որ որպես «վեցնոց» իր արժեքը կտրուկ անկում է ապրել և փորձում է իր լռությամբ Քոչարյանի վերաբերյալ դեմարշով հանդես գալ Փաշինյանի առաջ։

Բայց կա նաև երրրոդ տարբերակ։ Քոչարյանի հարցազրույցից անցել է 12, բայց ոչ 24 ժամ, և մեծ հույսեր կան, որ մինչև երեկո Արամ Զացվենիչը կարձագանքի, քանզի այս վերջին 15-20 գտարվա ընթացքում չի եղել մի դրվագ, որ Քոչարյանը խոսի ու մոտական 24 ժամվա ընթացքում Արամ Զավենիչը չարձագանքի։ Ավելին, Արամ Զավենիչը անարձագանք չի թողնի Քոչարյանի հարցազրույցը նույնիս հիվանդ ժամանակ, քանզի իր համար Քոչարյանը մետաֆիզիկա է, ինչպես հայ մարդու համար՝ թուրքը, կամ մահմեդականի համար՝ խոզի միսը։

Ավելին, նույնիսկ եթե Արամ Զավենիչին ամենանվաստացուցիչ «վեցնոցի» դերակատարումը թողնեն, միևնույնն է` ինքը արժանապատվության խդնիր չունի, եթե խոսքը գնում է ՀՀ երկրորդ նախագահի մասին։ Արամ Զավենիչի համար բարոյականությունը, քրիստոնեությունը, պատմությունը, մշակութաբանությունը, բոլորը ստորադասված են իր թունավոր ատելության զգացմունքին։

Արամ Զավենիչը վերջացած թունավորված անձնավորություն է։ Երբ նույնիսկ իր եղբոր արձանի վրա ադրբեջանցիները միզեցին, նա դասեր չքաղեց, սա նշանակում է, որ Արամ Զավենիչը արդեն վերջացած անձնավորություն է, նրան մարդ անվանելը խիստ վիճելի է։ Տեսականորեն, իհարկե, նա խոսել, գրել, կարդալ գիտի, և կարող է քայլել ոչ թե չորս, այլ երկու ոտքով, բայց իր բովանդակությամբ ինքը ոչ թե մարդ է, այլ մարդանման էակ։ Մի բան, որը գտնվում է մարդու ու կենդանում մեջտեղում։ Ընդորում, այդ մարդու էվոլյուցիան լավ բան չի ներշնչում, քանզի նա զարգանում է հակառակ ուղղությամբ։

Բայց պետք է նշել, որ, այնուամենայնիվ, ինքը հայկական միջավայրի ծնունդ է, ինչը հուշում է այն մասին, որ մեր միջավայրը մտնում է խորը ճգնաժամի մեջ, քանզի մենք չէինք ունենա նման ոչ ստանդարտ, ոչ մարդանման կերպարներ, եթե լինեինք ներքուստ առողջ հասարակություն։