Հայտնի է` երբ հրաժարական կտա Նիկոլ Փաշինյանը. Լիլիթ Մակունց

«Ինձ համար ակնհայտ է, թե ով է լինելու ցուցակի առաջին համարը, բայց ուզում եմ նշել, որ վերջնական որոշումը կայացնելու է «Քաղաքացիական պայմանագիր» կուսակցության վարչությունը»,- այս մասին լրագրողների հետ ճեպազրույցում ասաց «Իմ քայլը» խմբակցության ղեկավար Լիլիթ Մակունցը:

«Ինչ վերաբերում է ցուցակի մյուս համարներին, ապա մենք դրան չենք անդրադառնալու մայիսից շուտ: Նաև մեխանիզմ կմշակենք՝ ինչ սկզբունքով է ձևավորվելու ցանկը, և ըստ այդմ կներկայացնենք հանրությանը»,- նշեց նա:

Իսկ հարցին` նոր անուններ տեսնելո՞ւ ենք ցուցակում, Լիլիթ Մակունցը պատասխանեց, որ չի բացառվում, որ լինեն նոր անուններ:

Վարչապետի հրաժարականի օրը որոշված չէ, բայց կարելի է ենթադրել, որ դա տեղի է ունենալու ապրիլի վերջին:

Zham.am