«Հայկական խաղաքարտը» Բայդենի և Էրդողանի ձեռքում և թուրք բանագնացի գաղտնի այցը Երևան

ИА REX ռուսական լրատվական գործակալությունը հրապարակել է ռուսաստանցի հայտնի վերլուծաբան Ստանիսլավ Տարասովի՝ ««Հայկական խաղաքարտը» Բայդենի և Էրդողանի ձեռքում» վերտառությամբ հոդվածը, որից մի հատված ներկայացնում ենք ստորև. 

«Հայաստանի մայրաքաղաք է ժամանել «Թուրքիայում ծնված և մեծացած հայկական ծագում ունեցող Ֆրանսիայի քաղաքացի Սամսոն Օզարարատը, որն ամեն անգամ բանագնացի դեր է խաղացել, երբ թուրքական կառավարությունը գաղտնի դիվանագիտություն էր նախաձեռնում Հայաստանի հետ։ 

Եթե այս տեղեկատվական արտահոսքը ոչ պատահական բնույթ է կրում, ապա Վաշինգտոնը կարող է առաջարկել Լեռնային Ղարաբաղի հակամարտության կարգավորումը դիտարկել Թուրքիայի կողմից 1915 թ. Հայոց ցեղասպանության ճանաչման տեսանկյունից, իսկ դա հայ-թուրքական հարաբերությունները դուրս է բերում հատուկ ձևաչափի՝ առանց Բաքվի։ Դրա հետ մեկտեղ չի կարելի բացառել, որ Անկարան դուրս է բերվելու ղարաբաղյան խաղից և ներդրվելու աշխարհաքաղաքական սխեմայի մեջ՝ հաշվի առնելով քրդական գործոնը, նշելով երկու խնդիր, որոնք արմատներով գնում են Օսմանյան կայսրություն։ Այսինքն ԱՄՆ-ն մտադիր է «ուղիղ կամուրջ» գցել Անկարայից մինչ արևմտյան հայկական Սփյուռք, օգտագործելով Երևանի թուլացումն արցախյան պատերազմից հետո։

Այս թակարդից դուրս գալու համար Էրդողանին առաջարկվում է Ադրբեջանի կողմից Թուրքիայի գլխին փաթաթած իրավիճակը. երկկողմանի հարաբերությունները Հայաստանի հետ և արցախյան հակամարտությունը, ուղղել իրադարձությունների ընթացքը զուգահեռ հուն, հարաբերություններ կառուցելով արևմտյան հայկական Սփյուռքի հետ։ Ու մի բան էլ։ Անկարային կարող է առաջարկվել խաղալ «ուրիշի դաշտում», փոխել իր վերաբերմունքը Լեռնային Ղարաբաղի կարգավիճակի նկատմամբ՝ ներկայացնելով այդ խնդիրը որպես «նոր ստեղծագործական մոտեցում»` նպատակ ունենալով կարգավորել հարաբերությունները Հայաստանի հետ: Իրադարձությունների նման ընթացքը չի կարելի բացառել: Այսպիսով, սպասենք, թե ինչ դուրս կգա այս ամենից։ 

Zham.am