ԳՇ գեներալներ, դու՞ք ինչպես եք ձեզ զգում Նիկոլի հետ

«Ադրբեջանի հին հողը՝ Զանգեզուրը, թուրքական աշխարհը միավորելու դեր է խաղալու»։ Այս հայտարարությունն արել է Ալիևը, թուրքալեզու պետությունների համագործակցության խորհրդի ոչ պաշտոնական գագաթաժողովում։

Միլլի մեջլիսի «Իմ քայլը» խմբակցության ուսապարկ-պատգամավորներ, ոնց ե՞ք։ Կա՞ք դեռ, գետինը չե՞ք մտել։

ԳՇ գեներալներ, դու՞ք ինչպես եք ձեզ զգում Նիկոլի հետ։ Ապրում եք, սովորականի պես գործի գնալ-գալո՞վ։ Ի՞նչ է եղել, որ։ Նորմալ է։ Արցախը հանձնեցինք, թուրքական աշխարհի դիմաց Սյունիքի դարպասները բացում ենք, ու ինքնագոհ վայելում կյանքը։

2018թ.-ին մերժված նախկինում, նույն Ալիևը հուսահատ ծղրտում էր, իրեն պատեպատ էր տալիս՝ Արցախի ինքնորոշման իրավունքը չճանաչելու համար։ Իսկ այսօր, աշխարհի թուրքալեզու իր բարեկամներին հրավիրում է Սյունյաց աշխարհը ևս թրքացնելու։

Մի շարք հայ օլիգարխնե՛ր, աչքնե՛րդ լույս։ «Բախտը ձեզ ժպտացել է», որովհետև նստած սպասում եք, որ իբր ապագա առևտուրը ձեզ մեծ փողեր է բերելու։ Այ, երբ բերեց, այդ ժամանակ էլ ձեզ պետք է հանել, ու թուրքերին մտցնել աշխարհի հիմարների ցուցակի մեջ։

Հիշե՛նք, թե Արևմտյան Հայաստանում, մեր պապերն ինչպես են կորցրել իրենց հսկայական հարստությունը, և մազապուրծ փախել իրենց իսկ Հայրենիքից։ Իսկ մինչ այդ, ապրում էին թուրքի հետ ու հաջողությամբ հարստանում։

100 տարի է անցել, Հայը չի՛ փոխվել, ու թու՛րքն էլ չի փոխվել։

Այնինչ, դեռ չենք հասցրել հողին հանձնել աշնանային պատերազմում, Հայրենիքի համար զոհված մեր բոլոր տղաների մասունքները։

Հ.Գ.

Կյանք-պատիվ-արժանապատվություն-միտք-գիտակցություն+փող+դավաճանություն=նիկոլիզմ

Արտակ Զաքարյանի ֆեյսբուքյան էջից