Նիկոլ Փաշինյանի հայցն ընդդեմ Զարուհի Փոստանջյանի վարույթ է ընդունվել

Վարչապետ Նիկոլ Փաշինյանի հայցն ընդդեմ «Երկիր ծիրանի» կուսակցության ղեկավար Զարուհի Փոստանջյանի վարույթ է ընդունվել: Այս մասին NEWS.am-ը տեղեկանում է Դատական-տեղեկատվական համակարգից:

Հայցը մակագրվել է Երեւան քաղաքի ընդհանուր իրավասության դատարանի դատավոր Նաիրա Ավետիսյանին:

Նշենք, որ NEWS.am-ի հետ զրույցում վարչապետի ներկայացուցիչ Դավիթ Հունանյանը հայտնել էր, որ հայցի պատճառը Զարուհի Փոստանջյանի 2021 թվականի փետրվարի 8-ին «Հայելի» ակումբում հարցազրույցի ժամանակ արած հայտարարությունն է։ Փաշինյանը զրպարտություն է համարել Փոստանջյանի հետևյալ հայտարարությունը. «Նիկոլ Փաշինյանն ու իր տիկինը ստացել են հողերը հանձնելու վերաբերյալ գումարներ, նրանք հանդիսանում են գործակալ, նախորդ իշխանությունը հայցվորին բերել, մտցրել է խորհրդարան»:

Նշենք, որ Նիկոլ Փաշինյանը Զարուհի Փոստանջյանից հերքում եւ 2 մլն դրամ փոխհատուցում է պահանջում։