Դատախազները չկան. դեռ կարդում են. Ռուբեն Մելիքյանը՝ Ռոբերտ Քոչարյանի գործով դատական նիստի մասին. Լուսանկար

Իրավապաշտպան Ռուբեն Մելիքյանը ֆեյսբուքյան իր էջում հայտնում է, որ այսպես կոչված սահմանադրական կարգի տապալման գործով դատախազները դեռևս չեն ներկայացել դատական նիստին:

«Դատախազները չկան. դեռ կարդում են...», - տեղեկացնում է իրավապաշտպանը: 

Օրեր առաջ ՀՀ Սահմանադրական դատարանը 8-0 ձայն հարաբերակցությամբ, այսինքն միաձայն հակասահմանադրական է ճանաչել Քրեական օրենսգրքի 300.1 հոդվածը, որի մեջ մեղադրվում էին Ռոբերտ Քոչարյանը, Արմեն Գևորգյանը, Յուրի Խաչատուրովը և Սեյրան Օհանյանը:

Հիշեցնենք, որ Երեւան քաղաքի ընդհանուր իրավասության դատարանի Շենգավիթի նստավայրում ընթանում է ՀՀ երկրորդ նախագահ Ռոբերտ Քոչարյանի, ՀԱՊԿ նախկին գլխավոր քարտուղար, գեներալ-գնդապետ Յուրի Խաչատուրովի, պաշտպանության նախկին նախարար, գեներալ-գնդապետ Սեյրան Օհանյանի, նախկին փոխվարչապետ Արմեն Գեւորգյանի գործով դատական նիստը:

Zham.am