Ռոբերտ Քոչարյանի և մյուսների գործով նիստը հետաձգվեց. Տեսանյութ
Երևանի ընդհանուր իրավասության դատարանի Շենգավիթի նստավայրում հետաձգվեց Ռոբերտ Քոչարյանի և մյուսների գործով դատական նիստը։
Դատական հաջորդ նիստը կկայանա ապրիլի 2-ին՝ ժամը 13։00-ին։
Հիշեցնենք՝ Սահմանադրական դատարանը հակասահմանադրական է ճանաչել ՀՀ քրեական օրենսգրքի 300.1 հոդվածը: ՀՀ ՔՕ 300.1 հոդվածը սահմանում է սահմանադրական կարգը տապալումը, որով մեղադրանք է առաջադրված ՀՀ երկրորդ նախագահ Ռոբերտ Քոչարյանին, ԳՇ նախկին պետ Յուրի Խաչատուրովին, Պաշտպանության նախկին նախարար Սեյրան Օհանյանին։
ՍԴ որոշումը երեկվանից մտել է ուժի մեջ։
***
ՍԴ որոշման հրապարակումից հետո, որով քրեական օրենսգրքի 300.1 հոդվածը ճանաչվեց հակասահմանադրական և անվավեր, տեղի է ունենում սահմանադրական կարգի ենթադրյալ տապալման գործով նիստը։
Գործով անցնում են ՀՀ երկրորդ նախագահ Ռոբերտ Քոչարյանը, պաշտպանության նախկին նախարար Սեյրան Օհանյանը, ՊՆ ԶՈւ Գլխավոր շտաբի նախկին պետ Յուրի Խաչատուրովը և նախագահի աշխատակազմի նախկին ղեկավար Արմեն Գևորգյանը։