Ղրղզստանն էլ ՀԱՊԿ-ում պաշտպանեց Բելառուսի ներկայացուցչին. Խնդիրների «դուխով» լուծման գինը դառնում է ակներև արդեն բոլորի համար (Տեսանյութ)

Ինչպես և կանխատեսել էինք, Բելառուսի ու Ղազախստանի դեմարշից հետո, նրանց միացան Տաջիկստանն ու այսօր արդեն Ղրղզստանը:

Այդ երկրի նախագահ Սոորոնբայ Ժեենբեկովը այսօր հայտարարել է, որ կողմ է, որ ՀԱՊԿ-ի գլխավոր քարտուղարի պաշտոնում նշանակվի Բելառուսի ներկայացուցիչ Ստանիսլավ Զասը: Այդ նույն Զասը, ում ուղղակի աջակցում են արդեն ՀԱՊԿ-ի չորս երկները: Բացի դրան, այդ թեկնածությանը քողարկված աջակցում են նաև Բաքվում և Անկարայում, որոնք ի դեպ, ֆորմալ ՀԱՊԿ-ի անդամ չեն:

Փաստորեն ստացվում է, որ Փաշինյանին խայտառակությունից կարող է փրկել միայն Ռուսաստանը: Այդ նույն Ռուսաստանը, որին նույն Փաշինյանը ամռանը հորդորում էր՝ ադապտացվել հայաստանյան իրականությունների հետ:

Սակայն մեր կարծիքով, Մոսկվան հանուն Հայաստանի չի գնա ՀԱՊԿ-ի չորս անդամների հետ կոնֆլիկտի: Այնպես որ ստացվում է, կամ Փաշինյանը ստիպված պետք է ադապտացվի Մոսկվային և ՀԱՊԿ-ի՝ իրեն ոչ այնքան բարեկամ երկրներին, կամ՝ «դուռը շրղկացնի» և Հայաստանը դուրս բերի այդ կառույցից:

Իսկ թե ինչ հետևանքների կբերի իր այդ հնարավոր քայլը, մանրամասն կներկայացնենք մեր մեկ այլ վերլուծությունում:

Այդ դեպքում կարող են կրկնվել 1920–ի դեպքերը, քանզի ինչպես նշում էր հայտնի ամերիկյան գրող և փիլիսոփա Ջորջ Սանտայանան, «այն ժողովուրդը, ով իր պատմությունը մոռացության է մատնում, անխուսափելի կկրկնի իր պատմական սխալը և կրկին կհայտնվի նոր ողբերգության առջև»:

Սա է իրականությունը:

Արտակ Հակոբյան