Տոյվո Կլաարը թողնում է պաշտոնը, հայտնի է նրան փոխարինողը
Եվրոպական միության քաղաքական և անվտանգության հանձնաժողովը հաստատել է Մագդալենա Գրոնոյի թեկնածությունը Հարավային Կովկասի և Վրաստանի ճգնաժամի հարցերով հատուկ ներկայացուցչի պաշտոնում։ Այս պաշտոնում նա կփոխարինի Տոյվո Կլաարին, հայտարարել է ԵՄ-ում Չեխիայի մշտական ներկայացուցչությունը։
«Քաղաքական և անվտանգության հանձնաժողովը վերջերս հավանություն տվեց Չեխիայից Մագդալենա Գրոնոյին Հարավային Կովկասում և Վրաստանում ԵՄ հատուկ ներկայացուցիչ նշանակելու մասին։ Նրա թեկնածությունը պաշտոնապես կհաստատվի ԵՄ խորհրդի կողմից»,- գրել է Չեխիայի ներկայացուցչությունը X սոցիալական ցանցի իր էջում։
Մայիսին Գրոնոն նշանակվել է Եվրոպական խորհրդի նախագահ Շառլ Միշելի գլխավոր դիվանագիտական խորհրդական։ Նախկինում նա աշխատել է որպես Եվրոպական խորհրդի նախագահ Շառլ Միշելի արտաքին քաղաքականության ավագ խորհրդական։
---
Մեր կողմից նկատենք, որ Տոյվո Կլաարը իր պաշտոնավարման շրջանում բազմիցս աչքի է ընկել թրքամետ ու ադրբեջանամետ դիրքավորմամբ: Համենայն դեպս, դրսևորվել է այնպես, որ հաստատ Հայաստանի «չուզողների» շարքը կարող է դասվել: Բայց հաշվի առնելով, որ նրան փոխարինելու է, պայմանական ասած՝ Շառլ Միշելի «կադրը», կարելի է չկասկածել, որ Հայաստանի նկատմամբ վերաբերմունքը կդառնա բազմապատիկ ավելի թշնամական: Համենայն դեպս, Շառք Միշելը Արցախի հայաթափման ու Արցախի հայության ցեղասպանության իրականացման օտարազգի գլխավոր «քավորներից» մեկն է, եթե պատկերավոր արտահայտվենք:
Հետևեք մեզ Facebook-ում