Քիշնևի հանդիպումից առաջ Բաքուն հետևողականորեն բարձրացնում է խաղադրույքները. Անդրեյ Արեշև․ Տեսանյութ

Բաքուն հետևողականորեն բարձրացնում է խաղադրույքները՝ զգալով հակառակ կողմի անկարողությունը ինչ-որ կերպ իմաստալից արձագանքելու վերջնագրին (Ադրբեջանի նախագահի կողմից — խմբ.): Այս մասին Alpha News-ին տված հարցազրույցում ասել է քաղաքագետ, Ռազմավարական մշակույթի հիմնադրամի փորձագետ Անդրեյ Արեշեւը։

Հիշեցնենք, որ օրերս Ադրբեջանի նախագահ Իլհամ Ալիևն ասել էր, որ «Ղարաբաղի հայերը միայն մեկ ճանապարհ ունեն՝ կեղծ «պետական ​​ատրիբուտները» նետել աղբարկղը, ցրել խորհրդարանը և ենթարկվել Ադրբեջանի օրենքներին»։

«Պատահական չէ, որ այս վերջնագիրը հաջորդեց Մոսկվայի բանակցությունների ավարտից անմիջապես հետո, մոսկովյան հանդիպումից և Քիշնևի հանդիպումից առաջ։ Հայաստանի և Ադրբեջանի միջև տարբեր վայրերում ներկայումս ընթացող ինտենսիվ բանակցային գործընթացի համատեքստում Բաքուն հետևողականորեն բարձրացնում է խաղադրույքները, և սա, նկատում ենք, առաջին անգամը չէ։

Եվ, ցավոք, զգալով, ասենք, հակառակ կողմի անկարողությունը՝ ինչ-որ կերպ բովանդակալից արձագանքելու այս վերջնագրին։ Կարծում եմ, որ նման հայտարարությունները, որոնք, հնարավոր է, սադրիչ գործողություններով են աջակցվում, կշարունակեն նկատվել»,- ասել է Արեշևը։

Այստեղ, ըստ փորձագետի, շատ բան կախված է հայկական կողմից, թե ինչպես նա կարձագանքի նման մարտահրավերներին։

«Ինչ վերաբերում է ռուս խաղաղապահներին, ինձ թվում է, որ նրանք կգործեն ստեղծված իրավիճակից ելնելով և անհրաժեշտության դեպքում միջոցներ կձեռնարկեն հնարավոր կրակոցների դեպքերը կանխելու համար։

Բայց, ընդհանուր առմամբ, իրավիճակը, իհարկե, շատ տագնապալի է թվում։ Մենք հասկանում ենք, որ ուկրաինական կոնտեքստում տեղի ունեցող իրադարձությունների ֆոնին Ադրբեջանը զգում է, որ շատ առումներով իր «ձեռքերը բացված են» Ղարաբաղի հետ կապված»,- եզրափակեց քաղաքագետը։