Ամերիկացիները փաստացի «ավետում են» Ադրբեջանի նոր ռազմական գործողությունների մասին Հայաստանի դեմ

Վերջին մի քանի տարիների ընթացքում Հայաստանում ձևավորվել է վատ ավանդույթ, երբ Հայաստանում ԱՄՆ դեսպանատունը փաստացի կանխատեսում է ադրբեջանական բանակի հերթական հարձակումը Հայաստանի տարածքի վրա: Պարբերաբար նշվում է հարձակման ուղղությունները, և նույնիսկ որոշ դեպքերում նշվել են այդ հարձակումների կոնկրետ ժամկետները:

Ու, ահա, երեկ՝ հունիսի 13-ին, նույն դեսպանատունը հայտարարություն է տարածել, որում նշել է, որ արգելել է իր աշխատակիցներին այցելել Տավուշ, Սյունիք, Գեղարքունիք և Ջերմուկ։

Ընդ որում, նույնիսկ հստակեցվել են հնարավոր  հարձակման ուղղությունները՝ Տավուշի մարզի Վարագավանից արևելք, Տավուշի մարզի Նավուր գյուղից արևելք, Գեղարքունիքի մարզում Վարդենիսից արևելք, Արարատի մարզի Երասխ գյուղ, Սյունիքի մարզ, Լեռնային Ղարաբաղ շարունակում է արգելված մնալ։

Այս ամենից պետք է եզրակացնել, որ ադրբեջանցիները նախապես տեղեկացնում են ամերիկացիներին Հայաստանի տարածքի վրա իրենց հարձակումների հնարավոր ուղղությունների մասին։ Նշենք, որ ԱՄՆ-ն նախապես չի զգուշացնում Ադրբեջանին, որ Բաքվի նման քայլերը կարող են հանգեցնել Վաշինգտոնի կողմից Ադրբեջանի նկատմամբ հետեւանքների։ Ընդհակառակը, ԱՄՆ Պետդեպարտամենտի ներկայացուցիչը նույնպես հունիսի 13-ին հայտարարեց, որ «անհամբերությամբ սպասում է Վաշինգտոնում Հայաստանի եւ Ադրբեջանի արտգործնախարարներին՝ բանակցությունները շարունակելու համար»։

Եթե ​​սրան գումարենք նաեւ Թուրքիայի նորընտիր նախագահ Թ.Ռ. Էրդողանի այցը Բաքու, որտեղ նա երկու առանցքային սպառնալիք է հնչեցրել Հայաստանի հասցեին. նախ, հայտարարելով, որ Թուրքիան մտադիր է հյուպատոսություն բացել Շուշիում, և երկրորդը, որ «Զանգեզուրի միջանցքը» կբացվի անկախ հանգամանքներից, կարելի է հասկանալ, որ Թուրքիան ԱՄՆ-ի լուռ համաձայնությամբ կոչ է անում Ադրբեջանին՝ Հայաստանի նկատմամբ կոշտ քայլերի գնալ, որպեսզի այսպես կոչված «վաշինգտոնում բանակցային գործընթացի» ընթացքում բավարարվեն Ադրբեջանի բոլոր պահանջներն ու ցանկությունները։

Սա է իրականությունը

Դավիթ Մկրտչյան