Իսրաելի դեսպանն Ադրբեջանում բացահայտ ակնարկում է, թե իրանական Թավրիցն ադրբեջանական է

Ադրբեջանում Իսրայելի դեսպան Ջորջ Դիկը Twitter-ի իր միկրոբլոգում տարածել է «Թավրիզի կախարդական հեքիաթները» վերնագրով գրառումը։

Դեսպանը գիրքը ձեռքին՝ Իսրայելի դրոշի ֆոնին, ստորագրել է լուսանկարը հետևյալ կերպ. «Ինձ նվիրած այս հրաշալի գրքից ես շատ բան իմացա, իմացա Թավրիզի ադրբեջանական պատմության և մշակույթի մասին: Իսկ ի՞նչ եք կարդում այս օրերին»:

Ադրբեջանում Իսրայելի դեսպանի ակնարն այնքան ակնհայտ էր, որ նույնիսկ իմաստ չկա բացատրելու, թե ինչու է Իսրայելն աջակցում Ադրբեջանին, գրեթե բոլոր ոլորտներում:

Իսրայելը երբեք չի էլ թաքցրել, որ Ադրբեջանի միջոցով նպատակ ունի կազմաքանդել Իրանի միասնականությունը: Իսրայելի հույսը Իրանի ադրբեջանցիներն, որոնք այդ երկրում տասնյակ միլիոնից ավելին են և համարվում են այդ երկրի, թվով երկրորդ ազգային փոքրամասնությունը:

Ավելին, Իսրայելի ջանքերն Իրանի կազմաքանդման հարցում աջակցություն է ստանում նաև ԱՄՆ-ի որոշ ազդեցիկ շրջանակների կողմից: Մասնավորապես, հենց այդ շրջանակների ներկայացուցիչներից էր նաև տխրահռչակ Ջոն Բոլթոնը, ով 2018-ին խորհուրդ էր տալիս Հայաստանին վերանաել իր հարաբերությունները Ռուսաստանի և Իրանի հետ, փորձելով նոր կապեր հաստատել Թուրքիայի և Ադրբեջանի հետ: Չորս տարի անց, Բոլթոնի գրեթե բոլոր ցանկությունները մեր տարածաշրջանում կատարվում են, և ուրեմն Ադրբեջանում Իսրայելի դեսպանն էլ կարող է իրեն թույլ տալ ծաղրել և չար մեսիջ ուղարկել Իրանի ուղղությամբ:

Ընդգծենք նաև, որ Իսրայելի դեսպանի այս քայլին պատասխանեց Ադրբեջանում Իրանի դեսպանը, նշելով բառացի հետևյալը. «Ի գիտություն այս նախաձեռնող տղային, մեր սիրելի Թավրիզը հայտնի է որպես Իրանի հպարտ պատմության մեջ առաջինների երկիր։ Ըստ ամենայնի, առաջին չար սիոնիստին նույնպես կթաղեն Թավրիզի եռանդուն բնակիչները։ Երբեք մի հատեք մեր կարմիր գիծը, երբեք»:

Նույնիսկ այս փոքրիկ դրվագում, պարզ երևում են մեր տարածաշրջանի երկրների իրական նպատակները: Մնում է հասկանալ, թե ո՞րն է Հայաստանի նպատակներն ու շահերը, որպեսզի մեր հարևան երկրները հասկանան, թե ինչ հարաբերություններ հաստատեն մեզ հետ:

Սա է իրականությունը:

Արտակ Հակոբյան