Թոնի Բլեերը վերադառնում է ակտիվ քաղաքականություն. պատճառը՝ Brexit-ն է
Մեծ Բրիտանիայի նախկին վարչապետ Թոնի Բլեերը վերադառնում է երկրի ակտիվ քաղաքական կյանքին. պատճառը՝ Brexit-ն է:
The Mirror թերթի հաղորդմամբ, Բլեերը չի ցանկանում լուռ մնալ պատմական պահին, դա կնշանակեր, որ նրան չեն հուզում երկրի խնդիրները, իսկ դա այդպես չէ:
Նախկին վարչապետի կարծիքով, որը ղեկավարում էր բրիտանական կառավարությունը 1997-2007 թթ., ինչպես Brexit-ն այնպես էլ թագավորության և ԵՄ միջև ազատ առևտրի գոտու ստեղծման մասին պայմանագրի կնքումը կարող են վնաս հասցնել երկրին: Փետրվարին Բլեերն արդեն հայտնել էր իր կարծիքը Մեծ Բրիտանիայի ԵՄ կազմից դուրս գալու մասին, հայտարարելով, որ բրիտանացիները պետք է Brexit-ի վերաբերյալ իրենց կարծիքը փոխելու իրավունք ունենան:
Հիշեցնենք՝ 2016 թ. հունիսի 23-ին Մեծ Բրիտանիայի ԵՄ կազմից դուրս գալու հանրաքվեին եվրոինտեգրմանը դեմ հանդես եկողները հավաքեցին ձայների 51.9 տոկոսը: Այս տարվա մարտի 29-ին վարչապետ Թերեզա Մեյը նամակ է հղել ԵՄ ղեկավար Դոնալդ Տուսկին, որում նրան տեղեկացրել է ԵՄ կազմից դուրս գալու գործընթացի մեկնարկի մասին:
Բանակցությունների երկամյա գործընթացը կմեկնարկի հունիսի 8-ին կայանալիք արտահերթ խորհրդարանական ընտրություններից հետո:
Zham.am