Փաստ չի, որ Էրդողանը միանշանակ հաղթելու է այդ ընտրություններում
Եթե մի նախադասությամբ ձևակերպելու լինենք Թուրքիայում այս պահին տեղի ունեցող գործընթացներն ու դրանց հավանական միտումները, ապա կարող ենք ասել այսպես. «Ապրիլյան հանրաքվեից հետո սկսվեց նախընտրական պայքարն ու քարոզը 2019թ. (կամ նույնիսկ՝ 2018թ.) նախագահական ընտրությունների համար»։
Ու փաստ չի, որ Էրդողանը միանշանակ հաղթելու է այդ ընտրություններում։ Եւ հենց այս պատճառով էլ իշխանությունները ոչ միայն չեն փոխելու վերջին մեկուկես տարվա ընթացքում իրենց որդեգրած գործելաոճը, այլև էլ ավելի ուժեղացնելու են այն՝ խորացնելով հասարակական բևեռացումը, պետության և կուսակցության սերտաճումը, ինչպես նաև ժողովրդավարական ազատությունների հետագա սահմանափակումը։
Էնպես որ սկսում ենք հետևել էս գործընթացին։ Haydi Bismillah!
Թուրքագետ Վարուժան Գեղամյանի ֆեյսբուքյան էջից