Ո՞վ է լինելու Արտաշատի ապագա քաղաքապետը. իրականությունը Գագիկ Պողոսյանի մասին (ֆոտոշարք)

Լրատվամիջոցներից մեկը այսօր անդրադարձել է Արտաշատ քաղաքում սպասվող ընտրություններին: ԱԺ ընտրություններից հետո, շուրջ երկու տարի քաղաքը ղեկավարծ Արգամ Աբրահամյանը թողնելու է քաղաքապետի պաշտոնը և զբաղվելու է օրենսդիր գործունեությամբ: Արգամ Աբրահամյանի հրաժարականից հետո Արտաշատ քաղաքում կկազմակերպվի համայնքի ղեկավարի ընտրություն:

Մի քանի անգամ խոսվել է այն մասին, որ Արտաշատի քաղաքապետի ամենահավանական թեկնածուն Գագիկ Պողոսյանն է: Նա այս պահին Արտաշատի փոխքաղաքապետն է և մեծ ճանաչում ունի քաղաքում: Politik.am-ին հաջողվեց պարզել, որ Գագիկ Պողոսյանին նախընտրում են արտաշատցիների մեծ մասը: Նա այս տարիներին ապացուցել է, որ իր համայնքի բնակիչների կողքին է և նրանց խնդիրներին ականջալուր:

Արտաշատցիները վստահ են, որ Գագիկ Պողոսյանը շարունակելու է Արգամ Աբրահամյանի քաղաքի զարգացման պլանը և ավելի շենացնելու քաղաքը:

Գագիկ Պողոսյանը ծնվել է 1975 թվականի հոկտեմբերի 20-ին, Արարատի մարզի Մխչյան գյուղում: Այս պահին ուսանում է Հայաստանի պետական տնտեսագիտական համալսարանի Միջազգային տնտեսական հարաբերությունների մագիստրատուրա բաժնում: Ամուսնացած է ունի 3 երեխա:

Աղբյուր՝ Politik.am