Միհրանը փորձում է ետ վերադարձնել ծախսածը
Նոր գումարման Ազգային ժողովի առաջին նիստը դեռ տեղի չի ունեցել, սակայն Միհրան Պողոսյանն արդեն վայելում է դեպուտատ լինելու բոլոր հաճույքները: Այսինքն դեռ բոլորը չէ… Ոչմեկի համար գաղտնիք չի, որ Միհրան Պողոսյանն իր «ազգանվեր գործունեության» կամ էլ նախընտրական քարոզարշավի ժամանակ սութի ընդդիմադիր բոցաշունչ ելույթների շնորհիվ չէ, որ պատգամավոր է դարձել:
Թեև ՀՀԿ-ում դեռ մնացել են այնպիսի մարդիկ, ովքեր սեփական հեղինակության, անձնական հարգանքի հաշվին կարողացել են ձայն հավաքել, նրանք փոքրամասնություն են կազմում, Միհրան Պողոսյանն էլ նրանց թվին չի պատկանում:
Պատգամավոր դառնալու համար նա ստիպված էր իր օֆշորային հաշիվները մի փոքր թեթևացնել: Եվ հիմա, երբ ընտրությունները ավարտվել են, Բանանի Միհրանը փորձում է ետ վերադարձնել ծախսածը: Եվ պետք է ասել, որ նրան դա հաջողվում է. իր ղեկավարած «Քեթրին գրուպ» ընկերության շահույթն արդեն իսկ աճել է 15 տոկոսով: Ասել է թե դեպուտատ լինելը դրական է ազդում բիզնեսի վրա:
Դե բա բնական կազդի…այդքան ձայն է բերել ՀՀԿ-ին, կարող է և բանանի գինը թանկացնել, որի միակ ներկրողն է: Արտակ Շաբոյանն էլ, որ պետք է թույլ չտա գերիշխող դիրք զբաղեցնող ընկերություններին չարաշահումներ կատարել և գերշահույթ ստանալ, աչքերը փակում է այն հանգամանքի վրա, որ բանանի գինը ապրիլի 2-ից հետո 650-680 դրամից դարձել է 750 դրամ:
Սամվել Ստեփանյանի ֆեյսբուքյան էջից