«Խոստումը»՝ տարիների աշխատանքի արդյունք է, Քըրք Քրքորյանի կտակը և նվերը. Ռուբեն Մելիքյան
Ես բազմիցս խոսել եմ Հայրենիք-Սփյուռք հարաբերությունը նոր որակի բարձրացնելու անհրաժեշտության և այդ գործում մեր սերնդի դերակատարության մասին։ Նաև անձնական փորձառությամբ համոզմունք եմ հայտնել, որ Սփյուռքն այս առումով խիստ լավատեսական ազդակներ է ցուցադրում։
Հիմա հերթը մերն է։ Ու մեզնից պահանջվում է ընդամենը մի քիչ ժամանակ ու ուշադրություն։ Խոսքը The Promise ֆիլմի մասին է, որը Հոլիվուդյան ամենաբարձր ստանդարտներով նկարահանված ու առաջին մեծության աստղերի մասնակցություն ապահոված առաջին ֆիլմն է հայկական հարցերով։ Այն էկրաններ է բարձրանում ԱՊՐԻԼԻ 21-ԻՆ։ Այն տարիների աշխատանքի արդյունք է, Քըրք Քրքորյանի կտակը և նվերը։ Ու հիմա Սփյուռքյան բազմաթիվ կառույցներ օր ու գիշեր աշխատում են ֆիլմը առաջ մղելու (promote անելու) ուղղությամբ։ Մենք նույնպես կարող ենք միանալ այդ աշխատանքին՝ օգնելու պրոդյուսեր Eric Esrailian-ին։
Ի՞նչ է կարելի անել։
Կարծում եմ հետևյալը։
1) Անձնական նամակներով տեղեկացնել Ամերիկայում բնակվող ընկերներին, հատկապես ոչ-հայերին, ֆիլմի մասին, մեզ համար դրա կարևորության մասին։ Մեր որոշ ընկերներ կարող են գնալ ֆիլմը դիտելու հենց ի պատիվ մեզ։
2) Թվիթերում ակտիվորեն տարածել @thepromisefilm և @esrailian օգտատերերի թվիթները, ակտիվորեն կիրառել #keepthepromise հեշթեգը։ Ի դեպ, հեշթեգի ակտիվ տարածումը պետք է ակտիվացնել հատկապես ապրիլի 20-22-ին, երբ որոշ հարևաններ փորձելու են այն «հարամել»։
Ընդամենը այսքանը։
Եվս մի բան։ The Promise-ը մեր ընդհանուր օրակարգի մաս է, և նրա հաջողությունը նշանակելու է հայկական այլ հարցերով ևս գլոբալ ընկալելիության ու ճանաչելիության մեծացում։ Ինչպես կասեր հայրենադարձ ընկերներիցս մեկը՝ հասկացողաց բարևներ։
Արցախի Մարդու իրավունքների պաշտպան Ռուբեն Մելիքյանի ՖԲ էջից