Թող Մուկուչյանն ու մնացածը չփորձվեն Սերժ Սարգսյանի թիկունքում թաքնվեն
Որոշ մարդիկ մեր երկրում այնպիսի անձնուրացությամբ են ծառայում Սերժ Սարգսյանին, ասես աղանդավոր լինեն ու հավատան, որ Սերժ Սարգսյանը «աստվածային զորություն» ունի ու նրանց սաղին տեղավորելու է դրախտում։ Այլ կերպ նրանց հանդգնությունն ու լկտիությունը բացատրել հնարավոր չէ։ Սա շատ շատերին է վերաբերում, բայց այս անգամ նման պահվածքով աչքի ընկավ Տիգրան Մուկուչյանը։
Հա, հասկանում եմ, բոլորին էլ փող է պետք, ընտանիք են պահում, եսիմ ինչ են անում, բոլորս էլ մարդ ենք․․․բայց սե՞նց։ Սկզբում դպրոցների տնօրեններին արդարացրեց, որոնք ՀՀԿ-ի համար ձայներ էին հավաքում, խախտելով օրենքը։ Հետո աչք փակեց բազմաթիվ խախտումների վրա, մեզ էլ ասեց, թե բա «արդար ա, ժողովուրդ»։ Երեկ էլ, երբ քննարկվում էր ՕՐՕ դաշինքի դիմումը՝ մատնահետքերի միասնական բազա ստեղծելու և ընտրություններին մասնակցած քաղաքացիների ցուցակները ճշգրտելու, ասեց, թե բա դա տեխնիկապես հնարավոր չի։
Թե ասա դրա ի՞նչը հնարավոր չի։ Կամ առանց միասնական բազայի, էտ մատնահետքերի թատրոնը ու՞մն էր պետք։ Եթե սարքը միացրած չի միասնական բազային, ուրեմն ցանկացած մարդ, նախապես պայմանավորվածության գալով համապատասխան մարդկանց հետ կարող է գնալ ու քվեարկել այնքան ընտրատեղամասերում, որքան ու կհասցնի։ Սխա՞լ եմ ասում։ Տենց էլ անում էին էլի։ Դիտորդներն էլ արձանագրեցին, որ խմբով մարդիկ էին մտնում տեղամասեր՝ գրանցումը փոխելու մասին «տեղեկանքներով», որոնք նույնպես ինքան ուզեն կտան։ Արդյունքում էլ ունեցանք այն, ինչ ունեցանք։
Եվ թող Մուկուչյանն ու մնացածը չփորձվեն Սերժ Սարգսյանի թիկունքում թաքնվեն, կամ երբ պահը գա հայտարարեն, թե բա ինքը իրանց ստիպում էր այդ հանցանքները գործել, պատանդ էր վերցրել կամ չգիտեմ ինչ։ Դրանք բոլորը պետք է պատասխան տա ժողովրդի և օրենքի առաջ։
Հրանտ Ենոքյանի ֆեյսբուքյան էջից