«Տեսակետների խաչմերուկ». «Ելքը» ընդունում է ընտրությունների արդյունքները եւ չի թաքցնում իր բուն նպատակը (Տեսանյութ)
«Ազատություն» ռադիոկայանի «Տեսակետների խաչմերուկ» հաղորդումը հյուրընկալել էր «Ելք» դաշինքից պատգամավորի թեկնածու Վահագն Հովակիմյանին եւ ՕՐՕ դաշինքից Գեղամ Նազարյանին: Ծավալված հետաքրքիր եւ սուր բանավեճի ժամանակ «Ելքի» ներկայացուցիչը մի քանի անգամ շեշտեց, որ ժողովուրդն է ընտրել այս խորհրդարանը, եւ որ իրենք արդյունքներն ընդունում են ի գիտություն:
«Ելքի» ներկայացուցիչները վերջին օրերին ընտրությունները եւ նոր խորհրդարանը ՀՀկ-ականներից ավելի մեծ կրքոտությամբ են լեգիտիմացնում: Ավելին, չեն թաքցնում, որ իրենց միակ եւ հիմնական նպատակը բուն ընդդիմադիր ուժերին «տուն ուղարկելն է»:
Այսպիսով, Գեղամ Նազարյանի մի քանի հարցադրումներից հետո Վահագն Հովակիմյանը խոստովանեց, որ իրենք համոզված են, որ ընտրություններին իրականում մասնակցել է այնքան մարդ, որքան ներկայացրել է ԿԸՀ-ն, եւ որ առաջին անգամ ժողովրդի քվեով ձեւավորվել է խորհրդարան:
Այսքանից հետո մնում է, որ ՀՀ քաղաքացին համապատասխան հետեւություն անի:
Մանրամասները՝ տեսանյութում: