Նավալնին պահանջում է դատարան կանչել Դմիտրի Մեդվեդևին (լուսանկար, տեսանյութ)
«Բարև բոլորին Տվերսկոյի դատարանից: Կգա ժամանակ, երբ մենք էլ նրանց կդատենք (ուղղակի արդեն արդար)», - նման գրառում է հայտնվել Ռուսաստանի Դաշնության ընդդիմության հայտնի առաջնորդ Ալեքսեյ Նավալնին:
Հիմնադրամի տնօրեն Ռոման Ռուբանովը հաղորդեց, որ քննչական գործողություններ են տարվում ՌԴ ՔՕ 282 հոդվածով՝ ատելության կամ թշնամանքի սերմանում, ինչպես նաև մարդկային արժանապատվության ստորացում:
Բացի այդ նրա էջում հաղորդվում է, որ նրա ղեկավարած «Կաշառակերության դեմ պայքարի հիմնադրամ» ոչ մեկին թույլ չեն տալիս մուտք գործել, թե ինչ է այնտեղ կատարվում անհասկանալի է: Հաղորդվում է, որ իրավապահ մարմիններն այնտեղ զննություն են իրականացրել և արգելափակել մուտքը հիմնադրամ, իրենց հետ տանելոց Նավալնիի նոութբուքը և այլ տեխնիկա: Բերման են ենթարկվել հիմնադրամի մոսկովյան մասնաճյուղի մի շարք անդամներ, որոնք ներկա չէին ցույցի:
У офиса ФБК. Никого не пускают, что там происходит - непонятно. pic.twitter.com/NyYiUmL5rN
— Alexey Navalny (@navalny) 27 марта 2017 г.
Հիշեցնենք՝ մարտի 26-ին, Ալեկսեյ Նավալնին կաշառակերության ու, մասնավորապես, ՌԴ վարչապետ Դմիտրի Մեդվեդևի ապօրինի հարստացման դեմ ցույց էր կազմակերպել Մոսկվայում, որին պաշտոնական տվյալներով մասնակցել է 7-8 հազար մարդ: ՌԴ իրավապահները Նավալնիին և ցույցին մասնակցող մոտ 500 մարդ են բերման ենթարկել, պատճառաբանելով, որ միջոցառումն արտոնված չէր: Բերման ենթարկվածների թիվը, ըստ որոշ աղբյուրների, այսօր հասել է հազարի: Իշխանությունների այդ գործողությունները արդեն հասցրել են որակվել որպես հետսովետական Ռուսաստանի ամենախոշոր ձերբակալությունների ալիք:
Zham.am