«Իրավապահների գործողությունները պետք է լինեն թափանցիկ»․ ԵՄ դեսպանը Սամվել Բաբայանի ձերբակալության մասին (Տեսանյութ)
Այսօր՝ մարտի 24-ին, լրագրողների հետ հանդիպման ժամանակ Հայաստանում Եվրամիության պատվիրակության ղեկավար, դեսպան Պյոտր Սվիտալսկին անդրադարձել է ԼՂՀ պաշտպանության նախկին նախարար Սամվել Բաբայանի ձերբակալությանը ու դրա հնարավոր քաղաքական դրդապատճառներին․
«Մենք հավատում ենք, որ բոլոր վեճերը, բոլոր կոնֆլիկտները պետք է լուծվեն դատարաններում, խաղաղ ճանապարհով։ Հետեւաբար, ԵՄ-ի համար բռնության կանխման հարցը շատ կարեւոր է։Մենք համարում ենք, որ առաջին հերթին իրավապահներն են պատասխանատու հասարակական կարգի խախտմանն ուղղված բռնությունը կանխելու համար։ Եվ այդ պատճառով էլ բոլոր այդ գործընթացները պետք է շատ թափանցիկ լինեն։ Եթե կան կասկածներ, որ որեւէ սխալ բան է ծրագրվում, մենք համարում ենք, որ իրավապահ մարմինները պետք է գործեն լիարժեք թափանցիկությամբ, որպեսզի բնակչությունը, ընտրողները վստահ լինեն, որ դա չի արվում քաղաքական նպատակներով, որ դա չի արվում մնացած ընտրողներին վախեցնելու համար, այլ արվում է իրավունքի գերակայության համաձայն», - ասել է դիվանագետը։
Zham.am