Վահան Մարտիրոսյանը Բուլղարիայում է

ՀՀ տրանսպորտի, կապի և տեղեկատվական տեխնոլոգիաների նախարար Վահան 

Մարտիրոսյանը Բուլղարիայի մայրաքաղաք Սոֆիայում մարտի 23-24-ը մասնակցել է
«Տրանսպորտային ոլորտի ներդրումային հնարավորություններ» խորագրով
տարածաշրջանային համաժողովի և Արևելյան գործընկեր երկրների նախարարական
նիստի աշխատանքներին։

Համաժողովի ժամանակ ելույթ է ունեցել ՀՀ տրանսպորտի, կապի և տեղեկատվական
տեխնոլոգիաների նախարար Վահան Մարտիրոսյանը: Նա ներկայացրել է Հայաստանում
իրականացվող տրանսպորտային ենթակառուցվածքային ծրագրերը, ինչպես նաև
ֆինանսական աջակցության կարիք ունեցող նոր նախագծեր, դրանցում կարևորել
պետություն - մասնավոր հատված համագործակցությունը:

Համաժողովին մասնակցել են նաև ԵՄ անդամ-պետությունների, Արևմտյան
Բալկանների և Արևելյան հարևանության երկրների նախարարներ, Եվրոպական
հանձնաժողովի, Եվրոպական ներդրումային, Համաշխարհային և Եվրոպական
վերակառուցման և զարգացման բանկերի, միջազգային ֆինանսական
հաստատությունների բարձրաստիճան ներկայացուցիչներ, փորձագետներ, նախագծերի
ներկայացուցիչներ, ներդրողներ, և այլ շահագրգիռ կողմեր:

Եվրոպական հանձնաժողովի կողմից կազմակերպված տարածաշրջանային ներդրումային
համաժողովը նվիրված է տրանսպորտի ոլորտում ներդրումային մակարդակների
կայուն զարգացմանը:

ՀՀ տրանսպորտի, կապի և տեղեկատվական տեխնոլոգիաների
նախարարության լրատվական ծառայություն