Րաֆֆի Հովհաննիսյանի ելույթը «Հոգևոր Հայաստան» նախաձեռնության համաժողովին. Տեսանյութ
«Օհանյան-Րաֆֆի-Օսկանյան» դաշինքի անդամ Րաֆֆի Հովհաննիսյանը նշել է.
–Այսօր վերարթնանում է այն հրամայականը, որ «Հոգևոր Հայաստանը» և «Հայքը» դառնան համազգազգային, և ինչու չէ՝ համապետական օրակարգի անբաժան մասնիկը, քանի որ առանց մեր տարածական և հոգևոր ամբոջականության՝ չկա պետություն, չկա ազգ, կա ցիրուցան եղած, ցեղասպանությունների ենթարկված մի խեղճ ու կրակ ժողովուրդ՝ իր սփյուռքներով և ենթասփյուռքներով, բայց դա Հայքը չէ: Դրա համար չէ, որ մեր պապերը մարտնչեցին, զոհվեցին, հայրենազրկվեցին:
Դրա համար չէ, որ այսօր բանտում մենք ունենանք քաղաքական բանտարկյալներ, անունները լավ գիտեք, ովքեր նստած են միայն նրա համար, որ ունենք զավթված իշխանություն, որն օրենքը կիրառում է միայն ուրիշների դեմ, բայց ոչ իրենց բռնազավթման, իրենց իսկ հանցագործությունների դեմ, և միայն նրա համար, որ այդ տղաները ծառայել են պետությանը, ազգին, իրենց մարմնի վրա են վերցրել հարվածը՝ Հաց բերողի հետ մեկտեղ, և հիմա նստած են բանտում: «Հայքը»՝ 4 ծովերի մեջ գտնվող մեր բնօրրանը, պետք է ունենա այդ հոգևոր, աշխարհիկ, քաղաքացիական իշխանությունը, որն ինքն է ժողովուրդը, և դրա համար պետք է ազատագրենք ոչ միայն մեր հայրենիքը, մեր բնօրրանը գաղափարով, մտքով, հավատքով, սրտով, հետո՝ գործոց, այլ հայ մարդն ինքը պետք է ազատագրվի մեծն Րաֆֆու պատվիրանով, ինքն իր հոգին պետք է գտնի: Այսօր մենք բոլորս գիտենք, որ գտնվում ենք համազգային ճգնաժամի մեջ:
Պետությունը, եկեղեցին, Սփյուռքը, համայնքները, մեր հասարակությունն ահավոր անդունդի առջև են կանգնած: Միայն համահայկական համախմբմամբ կարելի է լուծում տալ այդ հիմնախնդիներին՝ Արցախից սկսած՝ մինչև Հայաստանի Հանրապետություն՝ դարձնելով այն լույսի հայրենիք, ոչ թե խավարի և մթության:
Մանրամասները՝ տեսանյութում: