«Հոգևոր Հայաստանի» համաժողովը (տեսանյութ, ֆոտոշարք)
«Օհանյան-Րաֆֆի-Օսկանյան» դաշինքի առաջնորդները մասնակցում են «Հոգևոր Հայաստան» նախաձեռնության՝ «Ամեն մի գիշեր ունի լուսաբաց» խորագրով համաժողովին, որի նպատակն է դատապարտել իշխանությունների գործողություններն ընտրությունից առաջ։
Մասնակիցները մեկ րոպե լռությամբ հարգել են Հաց բերողի՝ Արթուր Սարգսյանի հիշատակը։
Ելույթներով են հանդես եկել նախաձեռնության մի շարք անդամներ։
Նժդեհյան «Ցեղակրոն» կուսակցության «Հայք» կառույցի անդամ Գևորգ Հովսեփյանը նշել է՝ մեր փրկությունը մեր հավաքական ուժի մեջ է։ Նա կոչ է արել ապրիլյան ընտրություններին ձայն տալ այն ուժերին, ովքեր կմիանան «Հայք» ծրագրին։ Վերջինին իր աջակցությունն է հայտնել նաև «Օհանյան-Րաֆֆի-Օսկանյան» դաշինքը։ Հովսեփյանը հորդորել է ոչ մի դեպքում ձայն չտալ նրանց, ովքեր խոսում են մադրիդյան սկզբունքներից ու փոխզիջումներից։