ՕՐՕ դաշինքը Թալինում է (Տեսանյութ, լուսանկարներ)
Այս պահին Օհանյան-Րաֆֆի-Օսկանյան դաշինքը Շիրակի մարզի Թալին քաղաքում է:
Դաշինքի անդամ Արմեն Մարտիրոսյանը¸ դիմելով թալինցիներին¸ նշեց¸ որ իրենք պատրաստ են արմատական փոփոփխությունների¸ քանզի ունեն թիմ¸ հանձինս՝ Սեյրան Օհանյանի¸ ով փորձառու ռազմական գործիչ է¸ Վարդան Օսկանյանի¸ ով հրաշալի դիվանագետ է¸ Րաֆֆի հովհաննիսյանի¸ ով ևս դիվանագետ է և փորձառու գործիչ:
Մարտիրոսյանը հիշեց նաև «Հաց բերող» Արթուր Սարգսյանին¸ խնդրելով՝ մեկ րոպե լռությամբ հարգել նրա հիշատակը:
«Եթե երկրորդ անգամ իշխանությունները նրան չկալանավորեին¸ հացադուլ անելուց հետո ¸ եթե շատ շուտ թողնեին ինքը մեզ հետ կլիներ:25-օրյա հացադուլն ամբողջությամբ քայքայեց իր առողջությունը¸ այն էլ¸ չեղած առողջությունը: Դա բավական չէր¸ քաղբանտարկյալների թիվն ավելացրեցին ևս մեկով, Արմեն Մելիքյանը¸ ով Սասնա Ծռեր գործողությունից հետո հակաճգնաժամային խորհրդի ան դամ է¸ նրան 1 տարի դառտապատեցին»¸-նշեց նա:
Նրա խոսքով ՕՐՕ դաշինքի՝ իշխանության գալու պարագայում ոչ միայն քաղբանտարկյալներ են ազատ արձակվելու¸ այլև խորը և համապարփակ համաներում է լինելու:
«Սիրելի հայրենակիցներ մենք լավ թիմ ենք¸ մենք կարող թիմ ենք»¸-նկատեց նա:
Հաջորդը խոսքով թալինցիներին դիմեց Վարդան Օսկանյանը
«Սիրելի թալինցիներ¸ տվեք մեզ իշխանություն և մի քանի տարում մենք ձեզ կհանձենք բոլորովին այլ Հայաստան: Այն որ շատ ավելի մոտ է մեր իղձերին ու ցանկություններին: Հավատացեք, որ այդ 15–20 մարդու մի ստվար մասը մեզ մոտ ձևավորվել է։ Մեր առաջին շարքերում այնպիսի մարդիկ են, ովքեր իրենց գործունեությամբ ցույց են տվել, ապացուցել են, որ կարող են ազնիվ աշխատել, պաշտոնի գայթակղությունը երբեք իրենց սխալ ճանապարհով չի տարել։ Եթե ժողովուրդը վստահեց մեզ և տվեց իշխանություն, հավատացեք, որ հնարավոր է շատ կարճ ժամանակում երկրում շատ բան փոխել։ Մենք դատապարտված չենք այսպես ապրելու»:
ՕՐՕ դաշինքը գլխավորող Պաշտպանության նախկին նախարար¸ գեներալ-գնդապետ Սեյրան Օհանյանը նշեց¸ որ այսօր մեր երկիրը գտնվում է այնպիսի վիճակում¸ որ էվոլյուցիոն ճանապարհով¸ այսնքն դանդաղ տեմպերով¸ չենք կարող առաջ գնալ:
«Դրա համար մեր նպատակներից է տնտեսության ազատականացումը¸ պայքարը մենաշնորհների դեմ¸ արդարության մթնոլորտի ձփևավորում»: Դրա համար¸ նրա խոսքով մեծ միջոցներ հարկավոր չեն¸ այլ կամք¸ ամուր բռունցք¸ որն իրենք ունեն:
Ըստ նրա ընտրողները պետք է մեծ ուշադրություն դարձնեն քաղաքական թիմերում ընդգրկված անձանց և նրանց կյանքի ուղուն:
«Մեր դաշինքում դու չեք գտնի մարդկանց¸ որոնց քույրերը¸ եղբայրները¸ չգիտեմ փեսաները թաթախված են տարբեր մեծ գործարքների մեջ կամ թալանում են այս երկիրը:Երկրի կառավարման համար անհրաժեշտ են համարձակ¸ անկոտրուն մարդիկ¸ որոնց համար գործից առավել ոչ ոք և ոչինչ կարևոր չէ: Միայն այն¸ առավելությամբ¸ որ մեզ համար ամենակարևորը լինելու է մարդը¸ հայ մարդը¸ և բոլոր այն ազգությունները¸ ովքեր ապրում են Հայաստանում»: