Որ տնտեսությունը 9 տարի ավիրում եք, չե՞ք մտածում, որ դա նաև բանակի համար է լրջագույն խնդիր
Ինչքան ընտրությունները մոտենում են, Սերժ Սարգսյանն այդքան ավելի հայրենասեր ա դառնում։ Բա չիմացա՞ք, հերիք չի իմացել ա, որ մենք բանակ ունենք, մեկ էլ ինչ-որ մեկը երևի ասել է, որ բանակում ինչ-որ խնդիրներ կան։ Դե ինքն էլ հավաքել է զորացրված զինվորներին, իմանա էտ ի՞նչ խնդիրներ են։ Եվ այդ հանդիպումը ոչ մի կապ չունի գալիք ընտրությունների նախաշեմին զինվորների հաշվին փիառվելու հետ։
Բա էլ ումի՞ց պետք է իմանար խնդիրների մասին։ Բայց ցավոք, զինվորները հազիվ թե Սերժ Սարգսյանին պատմեին բանակի իրական խնդիրների մասին։ Դե հո չէ՞ին ասելու, բանակի խնդիրը դուք եք, պարոն Սարգսյան։ Բա ի՞նչ։ Բանակի հետ ընդհանրապես ոչ մի կապ չունեցող մարդու նշանակել է պաշտպանության նախարար, միայն նրա համար, որ այդ մարդն անձամբ իրեն է հավատարիմ։ Հիմա էլ զինվորներից է ստիպված հարցնել խնդիրների մասին։
Կամ, էն որ տնտեսությունը 9 տարի ավիրում է, չի՞ մտածում, որ դա նաև բանակի համար է լրջագույն խնդիր։ Որ իր հովանավորյալները օֆշորային հաշիվներ են բացում ու փող գողանում Հայաստանից, դա բանակի խնդիր չի՞։ Դրա համար չի՞, որ մեր զինվորները ստիպված են կռվել 80-ականների զենքով։
Հրանտ Ենոքյանի ֆեյսբուքյան էջից