Ներկա իշխանությունները երևի շատ մեծ հավես ունեն դրսում շրջագայելու. Մարությանի ու Մարգարյանի բյուջեն համեմատության մեջ
Տարոն Մարգարյանի քաղաքապետության օրոք, Երևան քաղաքի բյուջեով վերելակների վերանորոգման համար (քաղաքի ամենաառաջնային խնդիրներից մեկը) հատկացված էր 108,7 միլիոն դրամ: Հայկ Մարությանի քաղաքապետության առաջին տարում այդ ծախսը կրճատվել է շուրջ 70 միլիոն դրամով և 2019 թվականի բյուջեով նախատեսված է ընդամենը՝ 30,7 միլիոն դրամ:
Բայց սա ամենը չէ. բյուջեն միայն տոնածառի վրա չէ, որ մսխվելու է:
Եթե 2018-ի տարոնական բյուջեով արտասահմանյան գործուղումների համար նախատեսված էր 62,7 միլիոն դրամ, ապա ներկա իշխանությունները երևի շատ մեծ հավես ունեն դրսում շրջագայելու: Այս տարի, ոչ ավել, ոչ պակաս՝ գործուղումների բյուջեն ավելացել է 50 միլիոն դրամով և կկազմի 112,7 միլիոն դրամ:
Ես ո՛չ Տարոնի, ո՛չ էլ՝ հանրապետականի ջատագովը չեմ և նրանց եմ համարում մեր թշվառությունների հիմնական մեղավորը: Բայց Տարոնի վատը լինելը բնավ չի արդարացնում ներկա իշխանությունների անլուրջ մսխումները: Հետևաբար, աչքս չխոթեք Տարոնի կատարած թալանը կամ ապօրինի հարստացման փաստերը: Բան ունեք առարկելու՝ խնդրեմ, միայն թե ըստ էության առարկեք...
Փաստեր ներկայացրեք, թե չէ՝ ձեր Գըմփ-գըմփ-հուն արդեն անլուրջ է...
Դե, ձեզ տեսնեմ նիկոլականներ, ամեն գրառմանս մի տաս անգամ ինձ հայրենիքի դավաճան ու Սև եք կոչում... հապա, մի ձյունաճերմակ փաստարկներ բերեք՝ արդարացնելու համար եղածը....
Հ.Գ. Գիտեմ, որ խոհեմաբար կլռեք, քանզի դուք սովոր եք լռելու՝ երբ բարձրաձայնելու հարկ կա...
Վահե Լոռենցի ֆեյսբուքյան էջից