ԱԱԾ-ն թարմացնում է կայքը

Ազգային Անվտանգության ծառայությունը այսուհետև ներկայանալու է նոր կայքով՝ www.sns.am: ԱԱԾ գիտաուսումնական կենտրոնի տնօրեն, ԱԱԾ գնդապետ Արմեն Քինակցյանն, այսօր լրագրողներին ներկայացրեց նոր կայքը, ընդգծելով, որ այն ինֆորմատիվ է, բոլոր տեղեկություններն են հասանելի են։

«Այս կայքը հասանելիության սահմաններում ինֆորմատիվ է», - ասաց ԱԱԾ պաշտոնյան։

Կայքում կան առանձին խորագրեր՝ ըստ կառույցի գործունեության ոլորտների՝ հետախուզություն, հակահաբեկչություն, հակահետախուզություն։

Պաշտոնյան ընդգծեց, որ իշխանափոխությունից հետո գործունեության նոր ուղղություն է ավելացել`  տնտեսական անվտանգության ապահովում և կոռուպցիայի դեմ պայքար։

«Գիտեք՝ երկրի ղեկավարը հայտարարեց, որ մեր ծառայությունը պետք է զբաղվի այդ ոլորտով, և մենք դա պատվով ենք կատարում», - ասաց Քինակցյանը։

 ԱԱԾ նոր կայքում կա նաև թեժ գծի հեռախոսահամար՝ 1-91, որին մարդիկ կարող են զանգահարել ազգային անվտանգությանը սպառնացող վտանգների դեպքում։

Zham.am